Peregrinu 6.621 to’o ona Viqueque ho di’ak
DILI, 11 setembru 2024 (TATOLI)-Peregrinu husi munisípiu Viqueque 6.261, nian viajén to’o ona munisípiu Viqueque ho susesu, hafoin partisipa misa solene ne’ebé dirije husi Sua Santidade Papa Francisco iha Tasi-Tolu.
Tuir ekipa avansadu munisípiu Viqueque, Marito da Costa, informa, peregrinu husi munisípiu Viqueque to’o iha Viqueque Vila tuku 14:00, peregrinu husi postu Uatucarbau, Uatulari no Lacluta kontinua viajén ba sira nian postu.
“Ohin ami to’o iha Viqueque tuku 14:00 to’o Viqueque, peregrinu sira husi postu hanesan Uatucarbau, Uatulari no Lacluta kontinua viajén ba sira-nia postu. Oras ne’e sira to’o hotu ona”, Marito da Costa, ba jornalista Agência Tatoli, via telefónika, ohin.
Kona-ba viajén nia dehan, viajén ohin hahú husi Dili to’o Viqueque buat hotu la’o di’ak no karreta ne’ebé tula peregrenu mós la avaria to’o iha munisípiu Viqueque.
“Ami-nia viajén ohin ne’e buat hotu la’o di’ak, tama to’o munisípiu Viqueque”, nia relata.
Tuir dadús peregrinu husi munisípiu Viqueque ho totál hamutuk 6.261 mai husi postu administrativu lima kompostu postu Viqueque rihun 2298, Ossu na’in-956, Uatulari 1.471, Uatucarbau na’in-522 no Lacluta 1.014. Transporte transporta peregrinu sira husi munisípiu Viqueque totál hamutuk unidade 128.
Entretantu, iha viajen ne’e hetan akompaña husi Polísia Nasionál Timor Leste (PNTL) munisípiu Viqueque no komisaun organizadóra munisípiu Viqueque.
Jornalista : Vitorino Lopes da Costa
Editór : Florencio Miranda Ximenes
