DILI, 11 setembru 2024 (TATOLI) – Komandante Operasaun Komandu Polísia Nasionál Timor-Leste Munisípiu Dili Inspektór Xefe Polísia José Luis, hateten situasaun seguransa durante loron rua vizita apostólika iha Timor-Leste la’o di’ak.
“Dezde Sua Santidade nia vizita iha segunda (9/9) foin daudaun no horseik misa solene ne’ebé prezide husi ita-nia Papa iha Tasi-Tolu buat hotu la’o di’ak, buat hotu kontroladu’’, José Luis dehan ba TATOLI iha Sentru Konvensaun, kuarta ne’e.
Nia dehan, maske nune’e hanesan autoridade seguransa mantein seguransa iha kapitál Dili to’o Papa fila.
“Ohin ne’e vizita Papa nia tuir ajenda ne’ebé sei hasoru malu ho joven sira iha CCD hafoin ida- ne’e sei kontinua nia viajen ba Aeroportu Internasionál Nicolau Lobato hodi kontinua nia vizita apostólika tuir ajenda ne’ebé mak iha tanba hanesan autoridade seguransa sei kontinua fó seguransa másimua”, nia informa.
Jornalista: Natalino Costa
Editór : Zezito Silva
