DILI, 23 setembru 2024 (TATOLI)—Parlamentu Nasionál (PN), segunda ne’e, liuhusi reuniaun plenária aprova votu pezár no manifesta solidariedade ba vítima inséndiu iha Portugál ho rezultadu votasaun afavór 63, kontra no abstensaun zero.
“Nune’e votu pezár pasa,” Primeira Vise Prezidente Parlamentu Nasionál, Maria Teresinha Viegas, fó sai iha sala plenária PN.
Ho profundu tristeza ne’ebé Timor-Leste simu notísia ba devastadora inséndiu ne’ebé akontese iha Portugál, iha nasaun amigu.
Inséndiu florestál atinje rejiaun barak iha Portugál rezulta iha trájika lakon vida umana, husik hela família enlutada no komunidade devastada, aleinde vítima mortál, ho mós númeru signifikante kanek no ema ho dezalojada, forsa abandona sira ninia uma no propriedade.
Espesiál ida enkorajamentu ba bombeiru, forsa seguransa, voluntáriu no populasaun portugeza ne’ebé demostra dala ida tan ho korajen no rezilénsia admirável nia luta kontra ba apoiu no apoiu vítima.
Momentu ne’e profundu husi povu Timorense ho solidariedade ba povu portugeza no rekorda ho gratidaun apoiu konstante Portugál ba iha tempu naruk Timor-Leste nia istória.
Parlamentu Nasionál Timor-Leste espresa ninia sentidu pezár ba katástrofe, manifesta ninia solidariedade ba vítima no ninia família no povu portugeza tomak, no aprezenta ninia sinsera kondolénsia ba afetadu hotu ba trajédia ne’e.
Votu pezár ne’e aprezenta husi Deputada Maria Angelica Rangel husi FRETILIN, Patrocínio dos Reis Fernandes husi CNRT no Olinda Guterres husi KHUNTO).
Jornalista : Nelson de Sousa
Editór : Cancio Ximenes
