Pasiente ida tara aan iha haris fatin HNGV
DILI, 25 setembru 2024 ( TATOLI) – Pasiente ida ho naran Marçal Maia ho idade 39, tara aan iha Hospitál Nasionalál Guido Valadares (HNGV), bainhira hala’o hela tratamentu.
‘’Pasiente ne’e husi Suku Ducurai, Postu Administrativu Letefoho, Munisípiu Ermera, pasiente antes ne’e moras sofre pulmaun no moras ne’e kontinua aumenta, ohin madrugda tuku 5 mak tara aan iha haris fatin iha medisina interna jerál HNGV’’, informa família matebian Esmeralda Martins ba TATOLI iha HNGV, ohin.
Família matebian konta tuir katak pasiente ida-ne’e tama iha HNGV iha loron 14 setembru to’o ohin loron, kontinua halo tratamentu maibé asidente akontese iha haris fatin, pasiente iha haris fatin durante oras ida la sai, tanba ne’e pesoál cleaner dere odamatan, maibé la sai, entaun loke odamatan mak haree ba laran no pasiente ne’e tara aan.
Tuir observasaun TATOLI iha terenu nota katak Polísia Nasionál Timor-Leste iha ona fatin hodi haree akontesimentu ida-ne’e.
Jornalista : Felicidade Ximenes
Editór : Zezito Silva
