COVALIMA, 27 Setembru 2024 (TATOLI) – Sekretáriu Estadu Floresta (SEF), Fernandino Vieira, halo observasaun ba área floresta iha Tilomar, nune’e iha futuru bele dezenvolve sai fatin turístiku.
“Ha’u observa no halo inspesaun iha área ne’ebé ita halo demarkasaun difinitiva iha 2006 hamutuk ektare 7.000 iha suku Lalaua, Maudemo, Casabauk no Beiseuk, iha postu Tilomar-Covalima ne’ebé públika ona iha Jornál Repúblika iha 2006”, Fenandino Vieira dehan iha Tilomar, ohin.
Governante ne’e dehan floresta iha Tilomar konsidera hanesan área protejida no iha poténsia hodi dezenvolve sai sítiu turístiku, tanba durante ne’e Governu seidauk dezenvolve ho di’ak.
Aleinde observa ai-laran tuan iha postu Tilomar, governante ne’e mós halo observasaun ba platasaun iha suku Zulo, postu administrativu Zumalai.
Nia dehan iha platasaun iha rai ektare 100, ne’ebé kuda Ai-Kameli ektare 50, Saria ektare 25 no Ai-Naa ektare 25.
“Foresta dezenvolve plantasaun iha suku Zulo, postu Zumalai ne’ebé sai hanensan investimentu iha futuru hodi fó reseita ba Estadu”, realsa.
Jornalista: Celestina Teles
Editora: Maria Auxiliadora
