Top

PN ratifika akordu Governu TL ho Tailándia izensaun vistu pasaporte komún

Prezidente Parlamentu Nasionál, Maria Fernanda Lay. Imajen Tatoli/Francisco Sony

DILI, 01 outubru 2024 (TATOLI)—Parlamentu Nasionál (PN) liuhusi reuniaun plenária, tersa ne’e, aprova proposta rezolusaun Parlamentu Nasionál númeru 7/VI(1a)/2024 ratifika akordu entre Governu Repúblika Demokrátika Timor-Leste (TL) ho Governu Reinu Tailándia kona-ba izensaun vistu ba fin turístiku ba titulár pasaporte komún.

“Rezultadu votasaun afavór 61, kontra no abstensaun zero, ne’ebé akordu ne’e pasa,” Prezidente Parlamentu Parlamentu Nasionál, Maria Fernanda Lay, fó sai iha sala plenária PN, tersa ne’e.

Tuir testu ba proposta rezolusaun ne’e ba ratifika akordu entre Governu Repúblika Demokrátika Timor-Leste (TL) ho Governu Reinu Tailándia kona-ba izensaun vistu ba fin turístiku ba titulár pasaporte komún.

Konsidera relasaun ezistente entre Repúblika Demokrátika Timor-Leste ho Reinu Tailándia, ho nune’e iha konsiderasaun dezeju kontinua aprofunda relasaun amizade no kooperasaun no promove forma efetiva turizmu entre nasaun no iha ámbitu Asosiasaun Nasaun Sudeste Asiátiku (ASEAN).

Tensionadu fasilita dezlokasaun ba sidadaun Repúblika Demokrátika Timor-Leste no Reinu Tailándia ba fin turístiku, iha respetivu territóriu, liuhusi konsesaun izensaun vistu hodi tama no estadia até loron 30.

Konsidera dispozisaun akordu kuardu ASEAN kona-ba izensaun vistu no determinasaun Repúblika Demokrátika Timor-Leste implementa no kumpre ho instrumentu hotu ASEAN nian.

Ho konsiderasaun tuir termu konstitusaun repúblika kompete ba PN ratifika akordu internasionál ne’e, nune’e Governu aprezenta ba PN tuir abrigu iha aleina a) iha númeru 2) iha artigu 115 konstituisaun ho pedidu prioridade urjénsia hodi aprezenta proposta rezolusaun.

Ratifika akordu entre Governu Timor-Leste ho Governu Reinu Tailándia kona-ba izensaun vistu ba fin turístiku ba títulu pasaporte komún ne’ebé asina iha Banguecoque iha loron 21 Juñu 2024.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!