Top

PPN-UNDP diskute kooperasaun iha área transformasaun dijitál

Prezidente Parlamentu Nasionál (PPN), Maria Fernanda Lay, ho ekipa United Nation for Development Programa (UNDP) iha Timor Leste, reprezenta husi Xefe Konsilleiru Tékniku, Bruno Lencastre, diskute kontinuasaun kooperasaun iha área dezenvolvimentu transformasaun dijitál, kuarta (02 outubru 2024). Imajen/Mídia PN.

DILI, 03 outubru 2024 (TATOLI)—Prezidente Parlamentu Nasionál (PPN), Maria Fernanda Lay, kuarta (02 outubru 2-24) horisehik ne’e, ho ekipa United Nation for Development Programa (UNDP) iha Timor Leste, reprezenta husi Xefe Konsilleiru Tékniku, Bruno Lencastre, diskute kontinuasaun kooperasaun iha área dezenvolvimentu transformasaun dijitál.

Enkontru ne’e akompaña husi Sekretariu-Jeral Parlamentu Nasionál, Edgar Sequeira Martins, reprezentante UNDP iha Timor-Leste, Xefe Konseleiru Tékniku, Bruno Lencastre, Espesialista área dijital, Sriganesh Lekanathan, Dezenhista Estratéjia Inovasaun, Mellyana Fredesika iha Sala Konferénsia Parlamentu Nasionál nian.

Audiénsia ne’e ko’alia liu kona-ba kontinuidade kooperasaun entre Parlamentu Nasionál Timor-Leste ho UNDP, espesialmente iha programa dezenvolvimentu “Transformasaun Dijitál” nian nune’e mós iha área sira hanesan infraestrutura no formasaun rekursu umanu nian bazeia ba nesesidade serbisu instituisaun nian durante tinan tolu.

“Parlamentu Nasionál konsiente katak programa transformasaun dijitál ne’e importante tebes, tanba fasilita Deputadu no funsionáriu inklui públiku sira bele asesu ba atividade no aktu lejislativu sira-ne’ebé mak Parlamentu prodús no bele asegura  transparánsia ba malu entre órgaun soberanu ida-ne’e ho públiku sira, inklui fasilita iha komunikasaun ida-ne’ebé fasil,” Prezidente Parlamentu Nasionál, Maria Fernada Lay, hateten durante iha audiénsia.

Nia informa, kona-ba oinsa insttiutisaun rua ne’e kria plataforma dijitalizasaun ida-ne’ebé ajuda Deputadu, funsionáriu, inklui públiku sira bele asesu informsaun.

Nune’e mós, husu atu halo dezenvolvimentu iha área infrastrutura no rekursu umanu ne’e la’o ho paralelu hodi bele funsiona ho efetivu iha futuru.

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!