Servisu Edukasaun Viqueque destaka profesór na’in-39 ba eskola EBF iha área rurál

 VIQUEQUE, 15 outubru 2024 (TATOLI)- Serbisu Edukasaun Munisípiu Viqueque, tersa ne’e, koloka ona profesór bolsa kandidatu ba vaga profesór  faze daruak na’in-39 ba eskola Ensinu Báziku Filiál (EBF) sira  iha área rurál.

Diretór Servisu Edukasaun Munisípiu Viqueque, Julio Sakadura, hateten, Ministériu Edukasaun (ME) koloka ona profesór bolsa kandidatu faze daruak nian mai munisípiu Viquque hodi reforsa prosesu apredijazen iha eskola sira.

“Profesór sira-ne’e ami koloka hotu ona ba eskola EBF sira-ne’ebé iha área rurál tanba durante ne’e menus profesór hodi reforsa prosesu apredizajen iha eskola sira. Maski, ho kolakasaun profesór ne’e, maibé eskola balun sei kontinua menus profesór”, hatete Diretór ne’e ba Ajénsia TATOLI, iha Beloi, ohin.

Tuir dadús kolokasaun ba eskola EBF sira hanesan EBF 1 2 Osso Caiua,   EBF 123 Osso Lari na’in-4, EBF 1 Samanu, EBF 1 2 Motalee, EBF 123 Laline na’in-6, EBF 1 2 Nedere, EBF 1 Defalasi, EBF 1 2 Sawaki na’in-2, EBF 1 2 3 Luga-Asa na’in-2, EBF 1 2 Nuntetuk na’in-3, EBF  1 Digamasi, EBF  1 2 Assalaitula na’in-5,  EBF  1  2 3 Nunululi na’in-4, EBF 1 Wefia na’in-2, EBF 1 2 3 Liaruka na’in-5 no EBF 1 2 Calma Uatu-Kila.

Jornalista  :  Vitorino Lopes da Costa

Editór        :  Florencio Miranda Ximenes