Tinan ne’e, FNTL fó ona formasaun ba estudante no treinadór na’in-25

DILI, 18 outubru 2024 (TATOLI)– Prezidente Federasaun Natasaun Timor-Leste (FNTL), Laurentino Guterres, dehan tinan ne’e, federasaun hetan apoia husi Komite Olimpiku Internasionál hodi oferese formadór na’in-ida hodi fó formasaun ba treinadór no estudante na’in-25 kona-ba natasaun.

“Iha tinan ne’e,  ita hala’o formasaun hahú Jullu no ramata iha outubru ne’e, formasaun ba treinadór sira iha federasaun natasaun rasik no ba mós estudante sira husi Universidade Nasionál Timor-Lorosa’e (UNTL) departamentu Edukasaun Fizika, entaun sira hamutuk 25, mak tuir formasaun ne’e to’o ramata, formasaun iha área espesifiku natasaun nian,” Laurentino hateten ba Agência TATOLI iha edifisiu Komite Olimpiku Nasionál Timor-Leste (CONTL-sigla Portugés) Dili, sesta ne’e.

Formasaun ne’e, nia dehan hanesan parte dahuluk ne’ebé FNTL realiza iha Timor-Leste hodi kapasita treinadór natasaun no estudante universitáriu sira.

“Formasaun ne’e, importante tebes ba ita nia treinadór sira no estudante sira, ida ne’e atu aumenta sira nia konesimentu bainhira fó formasaun ba atleta sira bele di’ak liutan atu prepara ba eventu nasionál no internasionál sira”, nia afirma

Formadór ne’ebé Komite Olimpiku Internasionál haruka mai husi World Aquatics Swimming, ema Espaiña nia iha esperié nsia di’ak no konsege prodús ona atleta Olimpiku barak ba World Aquatics Swimming, no utiliza nia hanesan treinadór prinsipál durante tinan hitu iha Traning Centre Tailándia nian. Daudaun nia hanorin iha Xina, nia ema ne’ebé matenek ba oin TL sei husu atu bele mai bebeik fó treinamentu ba timoroan.

Jornalista: Hortencio Sanchez

Editór       : Florencio Miranda Ximenes