DILI, 23 outubru 2024 (TATOLI)–Diretór Nasionál Ortikultura iha Ministériu Agrikultura, Peska, Pekuaria no Floresta (MAPPF), Lucio Ramiro Ribeiro, hateten Governu liuhusi MAPPF hahú distribui fini batar ba agrikultór sba agrikultór sira iha munisípiu.
“Agora la’o hela iha prosesu distribuisaun, espera hahú segunda to’o iha sesta, bele distribui hotu ona ba agrikultór iha munisipiu sira,” Diretór Nasionál Ortikultura iha Ministériu Agrikultura, Peska, Pekuária no Floresta (MAPPF), Lucio Ramiro Ribeiro, hateten ba Agência Tatoli, kuarta ne’e.
Tuir nia, distribuisaun fini ba agrikultor sira-ne’e sei la’o dala ida no garante iha sesta semana oin sei hotu dala ida.
Diretór hateten, ministériu prepara fini batar tonelada 80 no fini hare tonelada hamutuk 100 ne’ebé sei distribui ba agrikultór sira.
Fini hare ba agrikultór sira iha munisipiu sira, diretór ne’e dehan, MAPPF sei distribui iha fulan-novembru.
Jornalista : Jesuína Xavier
Editór : Cancio Ximenes
