FLBA nu’udar Inisiativa estratéjika hodi prepara líder jerasaun foun
DILI, 23 outubru 2024 (TATOLI) – Programa Futuru Líder Ba ASEAN (FLBA) nu’udar inisiativa estratéjika ne’ebé finansia hosi Governu Timor-Leste atu prepara jerasaun líder nasaun nian tuir ai ba integrasaun longu prazu iha ASEAN. Programa ne’e diriji hosi Vise-Ministra ba Asuntu ASEAN Milena Rangel.
“Nu’udar programa lideransa nasionál, objetivu FLBA nian la’ós limitadu ba preparasaun ba adezaun ba ASEAN. Objetivu mós atu prepara jerasaun lider sira tuirmai hosi setór hotu-hotu iha nasaun ne’e atu toma responsabilidade ba dezenvolvimentu nasionál Timor-Leste nian ba tempu naruk,” tenik iha nota ne’ebé Agência TATOLI asesu husi media Ministériu Negósiu Estranjeiru no Kooperasaun (MNEK), ohin.
Iha nota ne’e fó sai katak, Projetu Asaun Aprendizajen FLBA dezenvolve líder sira liuhosi aprendizajen iha asaun, uza métodu Projetu Aprendizajen Asaun.
Projetu hamutuk 14 iha ekipa partisipante na’in-neen, ALP hakarak kria vizaun ida kona-ba sira-nia tópiku ba tinan-2050 no serbisu iha roteiru dezenvolvimentu ida. Ekipa ida-idak iha mentór, mentór mak lider seniór kada ministériu sira, setór privadu no organizasaun sira balun.
Projetu sira kobre maioria área susesu xave sira ne’ebé Timor-Leste presiza hasoru hodi aselera ninia dezenvolvimentu mak hanesan:
- Apoiu empreendedorizmu ba kreximentu ekonómiku;
- Haburas Ekonomia Dijitál Timor-Leste nian;
- Halakon rásiu (rate) infánsia nian iha Timor-Leste;
- Harii Ekonomia Azul Timor-Leste (Unidade Ekonomia Azul iha Gabinete Primeiru Ministru);
- Dezenvolve Ensinu Superiór ho universidade sira ASEAN nian;
- Kria Marka Timor-Leste ne’ebé forte no define estratéjia turizmu Timor-Leste nian ba futuru;
- Moderniza Funsaun Públika Timor ho kooperasaun ASEAN;
- Kria estratéjia Zero Lixu no Ekonomia Sirkulár ba Timor-Leste
- Aselera Responsabilidade Lideransa ba Jerasaun Tuir mai iha Timor-Leste;
- Harii Polítika Edukasaun ba Timor-Leste hodi koopera ho ASEAN;
- Aselera Empoderamentu no Lideransa Feto iha Timor-Leste;
- Estratéjia dezenvolvimentu ba Timor-Leste nia Ekonomia Verde;
- Hadi’a Timor-Leste nia atratividade ba Empreza Estranjeiru sira;
- Harii Konetividade Timor-Leste ho ASEAN;
Ekipa ida-idak aprezenta ona sira-nia projetu iha leten ba painél sira atu nune’e bele hetan sira-nia estatutu sertifikasaun. Ida-ne’e halo atu bele garante kualidade projetu sira no avalia dezenvolvimentu lideransa, projetu 14 hetan akreditasaun ho susesu.
Prosesu sertifikasaun nian ho objetivu atu konklui iha inísiu tinan oin iha 2025. Objetivu husi prosedimentu sertifikasaun nian maka atu kompleta iha inísiu 2025.
Jornalista: Hortencio Sanchez
Editór: Rafael Ximenes de A. Belo
