DILI, 14 novembru 2024 (TATOLI)—Parlamentu Nasionál (PN), aprova proposta Orsamentu Jerál Estadu (OJE) 2025 $1,009,200 ba Ministériu Koordenadór asuntu Sosiál iha faze espesialidade ho votu afavór 45 kontra 18 no abstensaun ida (1).
“Ne’ebé orsamentu ministériu pasa,” Prezidente Parlamentu Nasionál, Maria Fernanda Lay, fó sai iha debate proposta OJE 2025 iha faze espesialidade ba loron datoluk iha sala plenária PN, kinta ne’e.
Proposta OJE 2025 ba Ministériu Koordenadór asuntu Sosiál $1,009,200 hodi aloka ba saláriu vensimentu $709,200, bens no serbisu rihun $300.
Tuir dokumentu livru proposta OJE 2025 Planu Asaun Annual Entidade públiku setór administrativu, ba tinan oin husi proposta orsamentu Ministériu Koordenadór asuntu Sosiál sei finansia programa funsionamentu no dezenvolvimentu instituisionál ho sub-programa ida (1) no atividade ida (1).
Jornalista : Nelson de Sousa
Editór : Cancio Ximenes
