PN aprova OJE 2025 ba MTA millaun $10,963 iha espesialidade
DILI, 15 novembru 2024 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2025 hamutuk $10,963,847 ba Ministériu Turizmu no Ambiente (MTA) iha faze espesialidade ho votu afavór 43, kontra 12 no asbtensaun ualu (8).
“Ne’ebé orsamentu Ministériu Turizmu no Ambiente nian pasa,” Prezidente Parlamentu Nasionál, Maria Fernanda Lay, fó sai iha debate proposta OJE 2025 faze espesialidade, sesta ne’e.
Proposta OJE 2025 MTA ho totál $10,963,847 ne’e aloka ba saláriu vensimentu $4,813,195, bens no serbisu $4,417,617, transferénsia públika rihun $685, kapitál menór $171,500, kapitál dezenvolvimentu $876,535.
Tuir dokumentu livru proposta OJE 2025 Planu Asaun Annual Entidade públiku setór administrativu, ba tinan oin husi proposta orsamentu husi MTA sei finansia programa funsionamentu no dezenvolvimentu instituisionál tolu (3) ho atividade 12.
Programa protesaun no konservasaun no ambiente ho sub-programa edukasaun ambientál ho atividade ida (1), sub-programa konservasaun biodiversidade ho atividade tolu (3), sub-programa alterasaun klimátika no ozónu ho atividade tolu (3), sub-programa mobilizasaun rekursu no invesimentu ba merkadu karbonu ho atividade ida (1), sub-programa kontrola poluisaun ho atividade rua (2), sub-programa edukasaun ambiental ho atividade ida (1), sub-programa polítika ambientál no alterasaun klimátika ho atividade rua (2).
Programa turizmu ho sub-programa kontrolu, regularizasaun no industralizasaun atividade jogu rekreativu ho atividade haat (4), sub-programa promosaun Timor-Leste hanesan destina turístiku ho atividade lima (5), sub-programa dezenvolvimentu turizmu baze komunitária ho sub-programa neen (6).
Sub-programa dezenvolvimentu no jestaun instalasaun turístika iha Timor-Leste ho atividade rua (2), sub-programa dezenvolvimentu setór privadu iha área turizmu ho atividade tolu (3), sub-programa polítika dezenvolvimentu turizmu Timor-Leste ho atividade rua (2), sub-programa infraestrutura no ekipamentu turístiku ho atividade haat (4).
Jornalista : Nelson de Sousa
Editór : Cancio Ximenes
