PN aprova orsamentu MAPPF millaun $25,770 ho votu afavór 42
DILI, 15 novembru 2024 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2025 hamutuk $25,770,785 ba Ministériu Agrikultura, Peska, Pekuária no Floresta (MAPPF) iha faze espesialidade ho votu afavór 42, kontra sia (9) no abstensaun 12.
“Ne’ebé, MAPPF nia orsamentu pasa,” Prezidente Parlamentu Nasionál, Maria Fernanda Lay, fó sai iha debate proposta OJE 2025 faze espesialidade loron dahaat, sesta ne’e.
Proposta OJE 2025 MAPPF ho totál $25,770,785 ne’e hodi aloka ba saláriu vensimentu $7,837,057, bens no serbisu $12,065,122, transferénsia públika $394,805, kapitál menór millaun $3 no kapitál dezenvolvimentu $2,473,801.
Tuir dokumentu livru proposta OJE 2025 Planu Asaun Annual Entidade públiku setór administrativu, ba tinan oin husi proposta orsamentu husi ministériu nian ne’e hodi finansia programa funsionamentu no dezenvolvimentu instituisionál ho sub-programa rua (2) no atividade 11.
Programa agrikultura, ortikultura, kafé, no planta industrial no anuál ho sub-programa forsa traballu ba prestasaun serbisu iha terenu ho atividade ida (1), sub-programa produsaun no produtividade produtu agrikultura no ortikultura ho atividade 10, sub-programa produsaun no produtividade produtu kafé no planta industrial no anuál ho atividade haat (4), sub-programa dezenvolvimentu infraestrutura agrikultura, ortikultura, kafé no planta industrial no anuál ho atividade rua (2).
Sub-programa investigasaun agrikultura iha área agrikultura ortikultura, kafé no planta industrial no anuál ho atividade tolu (3), sub-programa revitalizasaun serbisu estensaun agrikultura ho atividade neen (6), sub-programa abastamentu sustentável bee ba agrikultura no mellora efisíensia uza bee ho atividade tolu (3), sub-programa industrializasaun no komersializasaun produtu agrikultura, ortikultura, kafé no planta industriál no anuál ho atividade tolu (3).
Programa pekuária, veterinária no teknolójia ho sub-programa forsa traballu ba prestasaun serbisu iha terrenu ho atividade ida (1), sub-programa produsaun no produtividade produtu animal ho atividade lima (5), sub-programa kontrola moras animál ho atividade ida (1), sub-programa dezenvolvimentu infraestrutura pekuária no veterinária ho atividade ida (1), sub-programa industrializasaun no komersializasaun produtu animál ho atividade rua (2).
Programa peska, akikultura no jestaun akuátiku ho sub-programa produsaun no produtividade peskeira no akuakultura ho atividade haat (4), sub-programa kontrola saúde ikan, ambiente, akuatiku ba akuakultura ho atividade ida (1), sub-programa dezenvolvimentu infraestrutura peska no akualkultura ho atividade rua (2).
Sub-programa investigasaun espésiu akuativu ho atividade rua (2), sub-programa industrializasuan no komersializasaun ikan, marisku no alga mariña ho atividade tolu (3), sub-programa konservasaun no jestaun rekursu marina no área kosteira ho atividade rua (2), sub-programa forsa traballu ba prestasaun serbisu iha terenu ho atividade ida (1).
Programa jestaun sustentável rekrusu floresta ho sub-programa produsaun no jestaun produtu florestal ho atividade rua (2), sub-programa konservasaun no protesaun rekursu florestal ho atividade 12, sub-programa industrializasaun no komersializasaun produtu florestal ho atividade tolu (2), sub-programa forsa traballu ba prestasaun serbisu iha terrenu ho atividade ida (1).
Jornalista : Nelson de Sousa
Editór : Cancio Ximenes
