DILI, 18 novembru 2024 (TATOLI) – Reprezentante Global Inner Peace iha Timor-Leste, Eun, Kyoung SHIN, hateten, Global Inner Peace iha Timor-Leste estabelese biblioteka labarik iha Xanana Reading Room, hodi labarik sira asesu ba livru.
“Ami hetan apoiu husi illa Jeju, hodi ami loke biblioteka iha fatin-fatin no ami hahú loke dezde tinan-2021. Ami loke iha Hera, Dili, Atauro, Aileu Lequidoe, Tasi-tolu, Taibessi, no Xanana Reading Room mak loke ba dala ualu nian. Ami nafatin iha planu ba oin loke iha Timor-Leste. Maibé, presiza hetan lisensa hosi profinsia ka illa Jeju. Ami nafatin loke tanba rezultadu di’ak tebes iha TL,” nia dehan iha sala Xanana Reading Room, Dili, segunda ne’e.
Jestora Sala Leitura Xanana Reading Room, Maria Amaral Guterres, hatete, atividade ba loron ohin nian ne’e halo hand over (entrega) biblioteka labarik nian iha Xanana Reading Room inklui fasilidade rai labarik sira-nia sasán.
“Materiál ne’ebé mak atribui ba Xanana Reading Room mak Raga livru nian, iha mós Korea ne’ebé tradus ona ho tetun nune’e labarik bele lee. komputador lima (5), sasan halimar nian, rak sapatu, rak pasta, livru 100 mak sira fó apoiu no ba labarik nia de’it,’ nia informa.
Jestora ne’e hatutan, asesu ba livru ne’e gratuita ba labarik hotu-hotu ne’ebé mak hakarak iha asesu no partisipa iha atividade sira ligadu labarik. Xanana Reading Room ne’e loke dezde tinan-2000 mai to’o ohin loron.
“Ami atende labarik hosi idade 5-12 n’ee ba kada loron na’i-lima to’o 15. Atividade iha Xanana Reading Room nian ne’e ami oferese klase báziku inglés, atividade konta istória ba labarik, konvida estudante husi Ensinu Báziku hodi mai vizita”, nia dehan.
Jornalista: Osória Marques
Editór: Rafael Ximenes de A. Belo
