DILI, 18 novembru 2024 (TATOLI)—Membru Parlamentu Nasionál (PN) liuhusi Deputada KHUNTO, Olinda Guterres, husu ba Ministériu Juventude, Desportu, Arte no Kultura (MJDAK), atu tau prioridade ba investimentu desportu iha rai-laran iha proposta Orsamentu Jerál Estadu (OJE) 2025.
“Joven sira ba joga iha rai-li’ur lakon hela de’it to’o golu ualu ka sia, nune’e presiza investimentu ida di’ak hodi dezenvolve futeból iha Timor-Leste,’’ Nia hateten iha debate proposta OJE 2025 iha faze espesialidade ba MJDAK, iha sala plenária PN, segunda ne’e.
Iha parte seluk, Deputadu PLP Abel dos Santos, dehan suspensaun arte marsiál ne’e Governu hasai hela rezolusaun, ida-ne’e signifika atividade suspende maibé KRAM kontinua halo sensibilizasaun ba arte marsiál oinsá ho rezolusaun ne’e.
Suspensaun ba atividade no atributu, maibé sensibilizasaun ne’e halo oinsá mak lori juventude sira uza hela atributu arte marsiál hodi simu KRAM.
Nune’e, Deputadu opozisaun ne’e husu atu kria kondisaun ba juventude envolve iha arte marsiál no rituál, tanba sira joven ba dezenvolvimentu.
“Rezultadu sensibilizasaun KRAM atu nafatin suspende ka reativa, reativa kria kondisaun dezenvolve ita-nia joven,’’ nia dehan.
Deputada FRETILIN, Veronica Fernandes, propoin aumenta orsamentu ba juventude hodi motiva sira partisipa iha dezenvolvimentu nasionál.
Ministru Juventude, Desportu, Arte no Kultura (MJDAK), Nelio Isaac Sarmento, dehan ko’alia planu estratéjiku kampu ba joven la’ós aprende kapasidade maibé muda atu karáter ba jerasaun foun katak, sira aprezende barak, nasionalizmu, edukasuan sívika ida-ne’e mak prioridade, klaru harii serbisu hamutuk sentru juventude no organizasaun juventude.
Nia responde, Governu suspende atividade arte marsiál ne’e hateten iha rezolusaun fó nafatin KRAM akompana arte marsiál, iha buat ruma presiza hadi’a, nune’e halo sensibilizasaun.
“Hanesan ita hatene suspensaun hahú iha fevereiru 2023, konflitu internal envolve arte marsiál tun tebe. Maibé ikus ita akompaña iha, nune’e ita kontinua akompana no fó hanoin to’o tempu ita orienta sira ba atividade desportu,” nia hateten.
Kona-ba desportu nian, Ministru rekoñese ida -e’e loos duni, nune’e mak mak kondisaun formasaun ka treinu barak liután liuliu kompetisaun modalidade bara.
“Ita atu kompete susar jogu sira iha rai-li’ur ne’e susár, nune’e orsamentu tinan oin kontinua tau kompetisaun barak liután,” nia hateten.
Jornalista : Nelson de Sousa
Editór : Cancio Ximenes
