DILI, 18 novembru 2024 (TATOLI)—Parlamentu Nasionál (PN), segunda ne’e, aprova proposta Orsamentu Jerál Estadu (OJE) 2025 ba Ministériu Juventude, Desportu, Arte no Kultura (MJDAK) hamutuk $9,472,726 iha faze espesialidade ho votu afavór 42, kontra 19 no abstensaun tolu (3).
“Orsamentu MJDAK pasa,’” Prezidente Parlamentu Nasionál, Maria Fernanda Lay, fó sai iha debate proposta OJE 2025 faze espesialidade.
Orssamentu $9,472,726 hodi aloka ba saláriu bensimentu $2,729,571, bens no serbisu $1,850,047, transferénsia públika $ 4,261,650 no kapitál dezenvolvimentu $631,458.
Husi orsamentu ne’e, atu finannsia ba programa kultura no patrimóriu ho sub-programa promove identidade kulturál no kreatividade arte ho a tividade sia (9), sub-programa dezenvolvimentu kreatividade arte no patrimóniu kulturál ho sub-programa 14.
Programa funsionamentu no dezenvolvimentu instituisionál ho sub-programa rua (2) no atividade hitu (7).
Programa inkluzaun sosiál ho sub-programa dezenvolvimentu prátika hahalok síviku no moris saudável juventude ho atividade tolu (3), sub-programa dezenvolvimentu kreatividade no lideransa síviku juventude ho atividade tolu (3), sub-programa promove atividade desportu iha sosiedade ho atividade haat (4), sub-programa dezenvolve prestasaun atleta alta kompetisaun ho atividade 18, sub-programa dezenvolvimentu infraestrutura no fasilidade iha área juventude no desportu ho atividade ida (1).
Jornalista : Nelson de Sousa
Editór : Cancio Ximenes
