DILI, 19 novembru 2024 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2025 ba Institutu Públiku, Empreza Públika ho entidade públika sira hamutuk 29 iha faze espesialidade.
Prezidente Parlamentu Nasionál, Maria Fernanda Lay, fó sai orsamentu husi instituisaun sira ne’ebé pasa iha debate no diskusaun OJE 2024 iha faze espsialidade ne’e.
Instituisaun sira-ne’e mak hanesan Ajénsia Promosaun Investimentu no Exportasaun Timor-Leste, Instituisaun Públiku (APIETL, I.P) ho totál orsamentu $1.370.526 pasa ho votu afavór 41, kontra hitu (7) no abstensaun 15.
Orsamentu ne’e hodi aloka ba saláriu vensimentu $545.125, bens no serbisu $825.401 no finansia programa funsionamentu no dezenvolvimentu instituisionál no programa investimentu no diversifikasaun ekonómika.
Ajénsia Teknolójia Informasaun no Komunikasaun Timor, Institutu Públiku (TIC, I.P, sigla portugés) ho totál orsamentu $2.331.274 pasa ho votu afavór 41, kontra neen (6) no abstensaun 16.
Orsamentu ne’e hodi aloka ba saláriu vensimentu $1.075.800, bens no serbisu $880.474, kapitál menór rihun $375, ba finansia programa funsionamentu no dezenvolvimentu instituisionál no teknolójia informasaun no komunikasaun.
Arkivu Nasionál Timor-Leste, Instituisaun Públiku (ANTL, I.P) ho totál orsamentu $707.541 pasa ho votu afavór 42, kontra ualu (8) no abstensaun 14.
Orsamentu ne’e hodi aloka ba saláriu vensimentu rihun $400, bens no serbisu $291, kapitál dezenvolvimentu $16.450, finansia programa kultura no patrimóniu ho funsionamentu no dezenvolvimentu instituisionál.
Autoridade Aviasaun Sívil Timor-Leste ho totál orsamentu $998.901 pasa ho votu afavór 42, kontra hitu (7) no abstensaun 15.
Orsamentu ne’e aloka ba saláriu vensimentu $645.658, bens no serbisu $203.580, transferénsia públika rihun $45, kapitál menór $104.663, hodi finansia programa transporte no funsionamentu no dezenvolvimentu instituisionál.
Autoridade Nasionál Komunikasaun (ANC) ho totál orsamentu $1.285.196 pasa ho votu afavór 42, kontra sia (9) no abstensaun 13.
Orsamentu ne’e aloka ba saláriu vensimentu $800.912, bens no serbisu $484.284, finansia programa funsionamentu no dezenvolvimentu instituisionál no teknolójia informasaun no komunikasaun.
Autoridade Nasionál Petróliu (ANP) ho totál orsamentu $11.111.074 pasa ho votu afavór 42, kontra 12 no abstensaun 10.
Orsamentu ne’e aloka ba saláriu vensimentu $3.861.599, bens no serbisu $7.249.475, finansia programa funsionamentu no dezenvolvimentu instituisionál, programa dezenvolvimentu kampu gás greater sunrise no asegura gasodutu mai Timor-Leste, programa dezenvolve polítika no prátika di’ak iha indústria hodi asegura partisipasaun másima ba timorense iha atividade setór, programa implementasaun projetu tasi-mane iha kosta súl país, programa explora, investiga no dezenvolve rekursu petrolífeiru, minerais no jeolójiku iha territóriu.
Sentru Lojístika Nasionál ho totál orasamentu $6.501.624 pasa ho votu afavór afavór 42, kontra neen (6) no abstensaun 16.
Orsamentu ne’e aloka ba saláriu vensimentu $1.024.768, bens no serbisu $4.802.436, transferénsia públika rihun $464, kapitál menór $210.420, finansia programa funsionamentu no dezenvolvimentu instituisionál no investimentu no diversifikasaun ekonómika.
Centro Nacional Chega, Institutu Públiku (CNC, I.P) ho totál orsamentu $1.563.638 pasa ho votu afavór 39, kontra 0 no abstensaun 0 no la vota 16.
Orrsamentu ne’e aloka ba saláriu vensimentu rihun $750, bens no serbisu $612.643, transferénsia públika rihun $180, kapitál dezenvolvimentu $20.995, finansia programa kultura no patrimóniu no funsionamentu no dezenvolvimentu instituisionál.
Sentru Nasionál Empregu no Formasaun Profisionál, Institutu Públiku (CNEFP, I.P, sigla portugés) ho totál orsamentu $1.502.474 pasa ho votu afavór 41, kontra rua (2) no abstensaun 17.
Orsamentu ne’e aloka ba saláriu vensimentu $590.930, bens no serbisu $911.544, finansia programa funsionamentu no dezenvolvimentu instituisionál no investimentu no diversifikasaun ekonómika.
Sentru Nasionál Formasaun Profissional, Institutu Públiku (CNFP, I.P, sigla portugés) Becora ho totál orsamentu $826.149 pasa ho votu afavór 42, kontra ida (1) no abstensaun ida (1) no la vota 16.
Orsamentu ne’e aloka bá saláriu vensimentu $339.739, bens no serbisu $425.410, kapitál dezenvolvimentu rihun $61, finansia programa funsionamentu no dezenvolvimentu instituisionál no investimentu no diversifikasaun ekonómika.
Sentru Nasionál Reabilitasaun ho totál orsamentu millaun $1.400 aprovadu ho votu afavor 42, kontra ida (1) no abstensaun 18.
Orsamentu ne’e hodi aloka ba saláriu vensimentu $625.357, bens no serbisu $575.052, kapitál menór $99.591, kapitál dezenvolvimentu rihun $100, finansia programa funsionamentu no dezenvolvimentu instituisionál no inkluzaun sosiál.
Komisaun Anti-Korrupsaun (CAC, sigla portugés) ho totál orsamentu $1.925.935 pasa ho votu afavór 42, kontra rua (2) no abstensaun 0.
Orsamentu ne’e aloka ba saláriu vensimentu $1.428.948, bens no serbisu $496.987, no finansia programa asesu justisa no funsionamentu no dezenvolvimentu instituisionál.
Komisaun Funsaun Públika (KFP) ho totál orsamentu $2.901.148 pasa ho votu afavór 42, kontra 0 no abstensaun rua (2).
Orrsamentu ne’e aloka ba saláriu vensimentu $1.992.798, bens no serbisu $908.350 no finansia programa funsionamentu no dezenvolvimentu instituisionál no inkluzasaun sosiál.
Komisaun Nasionál Aprovizionamentu ho totál orsamentu $2.139.531 aprovadu ho votu afavór 42, kontra ida (1) no abstensaun rua.
Orsamentu ne’e aloka ba saláriu vensimentu $1.643.517, bens no serbisu $496.014, no finansia programa jestaun finansa públika no funsionamentu no dezenvolvimentu instituisionál.
Komisaun Nasionál Eleisaun (CNE) ho totál orsamentu $9.016.593 pasa ho votu afavór 42, kontra 0 no abstensaun tolu (3).
Orsamentu ne’e aloka ba saláriu vensimentu $1.173.131, bens no serbisu $1.143.462, transferénsia públika millaun $6, kapitál dezenvolvimentu rihun $700 no finansia ba programa funsionamentu no dezenvolvimentu instituisionál.
Conselho Imprensa (CI) ho totál orsamentu $840.523 pasa ho votu afavór 42, kontra ida (1) no abstensaun rua (2).
Orsamentu ne’e aloka ba saláriu vensimentu $459.427, bens no serbisu $331.096, kapitál menór rihun $50, no finansia programa garantir liberdade espresaun asesu informasaun no funsionamentu no dezenvolvimentu instituisionál.
Fundu Dezenvolvimentu Kapitál Umanu (FDCH) ho totál orsamentu $18.973.544 aprovadu ho votu afavór 42, kontra 0 no abstensaun 15.
Orsamentu ne’e aloka ba saláriuvbensimentu $1.118.458, bens no serbisu $4.533.364, transferénsia públika $13.321.722.
Orsamentu ne’e finansia programa formasaun profisionál, programa treinamentu tékniku, programa bolsa estudu no programa funsionamentu no dezenvolvimentu instituisionál.
Fundu Espesiál Dezenvolvimentu Ataúro (FEDA) ho totál orsamentu $2.838.058 pasa ho votu afavór 41, kontra lima (5) no abstensaun 11.
Orsamentu ne’e hodi aloka ba saláriu vensimentu $250.390, bens no serbisu $689.083, kapitál dezenvolvimentu $1.898.585.
Orsamentu ne’e finansia programa funsionamentu no dezenvolvimentu instituisionál no programa infraestrutura konetividade.
Iha diskusaun ne’e, parte Deputadu bankada FRETILIN aprezenta proposta rua hodi husu redusaun orsamentu iha Fundu Espesiál Dezenvolvimentu Ataúro (FEDA), maibé Governu la aseita, nune’e avansa ba votasaun no rezultadu votasaun la pasa.
Gavinete Fronteira Terrestre no Marítima ho tptál orsamentu $1.772.499 pasa ho votu afavór 42, kontra sia (9) no abstensaun 12.
Orsamentu ne’e aloka ba saláriu vensimentu $570.544, bens no serbisu $1.201.955, finansia programa asegura fronteira terrestre no marítima permanente ho Indonézia no programa promosaun ekonomia azúl Timor-Leste.
Hospitál Nasionál Guido Valedares (HNGV) ho totál orsamentu $14.855.924 aprovadu ho votu afavór 42, kontra haat (4) no abstensaun 17.
Orsamentu ne’e aloka ba saláriu vensimentu $8.835.892, bens no serbisu $3.661.620, kapitál menór millaun $2, kapitál dezenvolvimentu $358.412.
Orsamentu ne’e, finansia programa funsionamentu no dezenvolvimentu instituisionál no prgroama kuidadu saúde sekundáriu no tersiáriu.
Imprensa Nasionál Timor-Leste, Institutu Públiku (INTL, I.P) ho totál orsamentu $1.423.449 pasa ho votu afavór 42, kontra 14 no abstensaun hitu.
Orsamentu ne’e aloka ba saláriu vensimentu $355.156, bens serbisu $488.293, kapitál menór rihun $60, kapitál dezenvolvimentu rihun $520, finansia programa funsionamentu no dezenvolvimentu instituisionál.
Institutu Apoiu ba Dezenvolvimentu Emprezariál (IADE) ho totál orsamentu $1.287.435 pasa ho votu afavór 42, kontra ualu (8) no abstensaun 13.
Orsamentu ne’e aloka ba saláriu vensimentu $657.582, bens no serbisu $401.853, transferénsia públika rihun $200, kapitál menór rihun $10.
Orsamentu ne’e, finansia programa funsionamentu no dezenvolvimentu instituisionál no investimentu no diversifikasaun ekonómika.
Institutu Defeza Nasionál (IDN) ho totál orsamentu $1.341.140 pasa ho votu afavór 42, kontra 0 no abstensaun 20.
Orsamentu ne’e aloka ba saláriu vensimentu $238.133, bens serbisu $1.103.007, finansia programa defeza nasionál no funsionamentu no dezenvolvimentu instituisionál.
Institutu Jeosíensia Timor-Leste (IGTL) ho totál orsamentu $5.696.359 aprovadu ho votu afavór 42, kontra15 no abstensaun neen (6).
Orsamentu ne’e hodi aloka ba saláriu vensimentu $2.229.960, bens no serbisu $2.031.399, kapitál menór millaun $1, kapitál dezenvolvimentu rihun $365.
Orsamentu ne’e finansia programa funsionamentu no dezenvolvimentu instituisionál, programa estudu tékniku no sientífiku kona-ba rekursu petróliu no gás iha territóriu Timor-Leste, programa estudu tékniku no sientífiku kona-ba rekursu minerais iha territóriu, programa promove no fortalese estudu jeolójiku, rekursu idrojeolójiku, jeotérmiku no risku jeolójiku.
Institutu Jestaun Ekipamentu no Apoiu iha Dezenvolvimentu Infraestrutura (IJEADI) ho totál orsamentu $4.132.294 pasa ho votu afavór 42, kontra sia (9) no abstensaun 12.
Orsamentu ne’e hodi aloka ba saláriu vensimentu $1.613.457, bens no serbisu $1.859.380, kapitál menór rihun $500, kapitál dezenvolvimentu $159.457.
Orsamentu ne’e finansia programa estrada no ponte ho funsionamentu no dezenvolvimentu instituisionál.
Institutu Peskiza, Dezenvolvimentu, Formasaun no Promosaun Bambu ho totál orsamentu $804.914 pasa ho votu afavór 42, kontra tolu (3) no abstensaun 18.
Orsamentu ne’e aloka ba saláriu vensimentu $434.794, bens no serbisu $370.120.
Orsamentu ne’e finansia programa funsionamentu no dezenvolvimentu instituisionál no programa agrikultura, ortikultura, kafé no planta industriál no anuál.
Institutu Nasionál Administrasaun Públika ho totál orsamentu $1.445.707 pasa ho votu afavór 42, kontra 16 no abstensaun lima (5).
Orsamentu ne’e aloka ba saláriu vensimentu $666.298, bens no serbisu $779.409.
Orsamentu ne’e finansia programa funsionamentu no dezenvolvimentu instituisionál.
Institutu Nasionál Siensia no Teknolójia ho totál orsamentu $664.769 aprovadu ho votu afavór 42, kontra 13 no abstensaun ualu (8), orsamentu ne’e aloka ba saláriu vensimentu $369.198, bens no serbisu $291, kapitál dezenvolvimentu $3.768.
Orsamentu ne’e finansia programa funsionamentu no dezenvolvimentu instituisionál ho ensinu superiór.
Jornalista : Nelson de Sousa
Editór : Cancio Ximenes
