DILI,20 novembru 2024 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2025 ba Institutu Públiku no Empreza Públika ho entidade públiku sira hamutuk 13 iha faze espesialidade.
Prezidente Parlamentu Nasionál, Maria Fernanda Lay, fó sai orsamentu ba instituisaun sira-ne’e ne’ebé pasa iha debate no diskusaun Orsamentu Jerál Estadu (OJE) 2025 iha kuarta (20 novembru 2024) ne’e.
Insituisaun sira-ne’e mak hanesan Institutu Nasionál Kombate HIV-SIDA I.P ho totál orsamentu $1.058.235 pasa ho rezultadu votasaun afvaór 42, kontra ida (1) no abstensaun 20.
Orsamentu ne’e aloka ba saláriu vensimentu $340.470, bens no serbisu $667.765, kapitál menór rihun $50 no finansia programa funsionamentu ho dezenvolvimentu instituisionál ho inkluzaun sosiál.
Institutu Nasionál Farmásia no Produtu Médiku (INFPM) ho totál orsamentu $16.431.180 ne’e aprovadu ho votu afavór 42, kontra rua (2) no abstensaun 19.
Orsmentu ne’e hodi aloka ba saláriu vensimentu $998.437, bens no serbisu $13.489.358, transferénsia públika $1.550.500, kapitál menór $65.500, kapitál dezenvolvimentu $327.385.
Orsamentu ne’e finansia programa funsionamentu no dezenvolvimentu nasionál no programa kuidadu saúde primáriu, programa kuidadu saúde sekundáriu no tersiáriu.
Institutu Nasionál Saúde Públiku Timor-Leste ho totál orsamentu $2.360.299 ne’e pasa ho votu afavór 42, kontra ida (1) no abstensaun 20.
Orsamentu ne’e hodi aloka ba saláriu vensimentu $1.237.243, bens no serbisu $1.058.056, kapitál menór rihun $65.
Orsamentu ne’e finansia programa funsionamentu no dezenvolvimentu instituisionál no programa kuidadu saúde primáriu.
Institutu Nasionál Mão-de-Obra ho totál orsamentu $923.188 pasa ho votu afavór 42, kontra 0 no abstensaun 21.
Orsamentu ne’e aloka ba saláriu vensimentu $425.902, bens no serbisu $497.286, no finansia programa funsionamentu no dezenvolvimentu instituisionál no investimentu no diversifikasaun ekonomika.
Institutu Nasionál Defeza Direitu ba Labarik, Institutu Públiku (INDDICA, I.P, sigla portugés) ho totál orsamentu $929.911 pasa hp votu afavór 42, kontra 0 no abstensaun 21.
Orsamentu ne’e aloka ba saláriu vensimentu rihun $350, bens no serbisu $429.911, kapitál dezenvolvimentu rihun $150.
Orsamentu ne’e finansia programa funsionamentu no dezenvolvimentu institusionál no inkluzaun sosiál.
Institutu Kualidade Timor-Leste, Institutu Públiku (IQTL, I.P) ho totál orsamentu $806.665 pasa ho votu afavór 42, kontra ida no abstensaun 20.
Orsamentu ne’e aloka ba saláriu vensimentu $386.890, bens no serbisu $383.775, kapitál dezenvolvimentu rihun $36.
Orsamentu ne’e finansia programa funsionamentu no dezenvolvimentu instituisionál no investimentu no diversifikasaun ekonomika.
Institutu Politékniku Betano ho totál orsamentu hamutuk $1.195.262 ne’e pasa ho votu afavór 42, kontra 0 no abstensaun 21.
Orsamentu ne’e hodi aloka ba saláriu vensimentu $660.534, bens no serbisu $258.008, transferénsia públika rihun $200, kapitál menór rihun $50, kapitál dezenvolvimentu $26.720.
Orsamentu ne’e finansia programa funsionamentu no dezenvolvimentu instituisionál ho ensinu superiór.
Millennium Challenge Account Timor-Leste I.P ho totál orsamentu millaun $5.085 pasa ho votu afavór 42, kontra neen (6) no abstensuan 15.
Orsamenrtu ne’e hodi aloka ba bens no serbisu rihun $85, transferénsia públika millaun $5, finansia programa funsionamentu no dezenvolvimentu instituisionál no programa bee no saneamentu.
Sekretariadu Tékniku no Administrasaun Eleitorál (STAE) ho totál orsamentu $1.966.746 pasa ho votu afavór 42, kontra lima (5) no abstensaun 16.
Orsamentu ne’e hodi aloka ba saláriu vensimentu $1.045.051, bens no serbisu $899.548, kapitál menór $22.147.
Orsamentu ne’e finansia ba programa funsionamentu no dezenvolvimentu instituisionál.
Serbisu Rejistu no Verifikasaun Emprezariál I.P ho totál orsamentu $2.195.838 ho votu afavór 42, kontra haat (4) no abstensaun 17.
Orsamentu ne’e aloka ba saláriu vensimentu millaun $1.876, bens no serbisu $319.838.
Orsamentu ne’e finansia programa funsionamentu no dezenvolvimentu instituisionál ho programa investimentu no diversifikasaun ekonomika.
Serbisu Nasionál Ambulánsia no Emerjénsia Médika I.P ho totál orsament $3.093.293 aprovadu ho votu afavór 43, kontra ida (1) no abstensaun 19.
Orsamentu ne’e aloka ba saláriu vensimentu $1.191.662, bens no serbisu $1.201.631, transferénsia públika rihun $190, kapitál menór $510.
Orsamentu ne’e finansia programa funsionamentu no dezenvolvimentu instituisionál no programa kuidadu saúde sekundáriu no tersiáriu.
Unidade Misaun Kombate Stunting (Raes Badak) ho totál orsamentu $288.680 pasa ho votu afavór 42, kontra ida (1) no abstensaun 20.
Orsamentu ne’e hodi aloka ba saláriu vensimentu $209.220, bens no serbisu $50.660, transferénsia públika $28.800.
Orsamentu ne’e finansia programa funsionamentu no dezenvolvimentu instituisionál ho programa kuidadu saúde primáriu.
Universidade Nacional Timor Lorosa’e (UNTL) ho totál orsamentu $16.757.166 ne’e pasa ho votu afavór 43, kontra 0 no abstensaun 20.
Orsamentu ne’e hodi aloka ba saláriu vensimentu $12.857.110, bens no serbisu $2.311.669, kapitál menór rihun $250, kapitál dezenvolvimentu $1.338.387.
Orsamentu ne’e finansia programa funsionamentu no dezenvolvimentu instituisionál, programa ensinu superiór ho inkluzaun sosiál.
Jornalista : Nelson de Sousa
Editór : Cancio Ximenes
