DILI, 21 novembru 2024 (TATOLI) – Governu liuhusi reuniaun Konsellu Ministru, kinta ne’e, iha Palásiu Governu Dili aprova projetu rezolusaun Governu hodi nomeia, Anita Tavares Ribeiro de Jesus hodi ezerse mandatu tuir rejime dedikasaun eskluziva, sai nu’udar Komisária Komisaun Funsaun Públika (KFP), to’o loron 22 novembru 2028.
“Konsellu Ministrus aprova projetu Rezolusaun Governu ne’ebé aprezenta hosi Ministru Prezidénsia Konsellu Ministrus, Agio Pereira, ba nomeasaun Anita Tavares Ribeiro de Jesus, hodi ezerse mandatu tuir rejime dedikasaun eskluziva, nu’udar KFP,” tenik iha nota ne’ebé Agência TATOLI asesu hosi portál Governu.
Anita Tavares Ribeiro de Jesus, antes ne’e hanesan Diretora Nasionál Rekursu Umanu iha Ministeriu Edukasaun.
Jornalista: Hortencio Sanchez
Editór: Florencio Miranda Ximenes
