DILI, 22 novembru 2024 (TATOLI)–Prezidente Konsellu Administrasaun Autoridade Portuáriu Timor-Leste (APORTIL), José de Oliveira Leong, hateten Governu husi APORTIL atu muda oráriu operasaun ba Ró Berlin Ramelau tula pasajeiru sira husi Dili ba Oé-Cusse, hodi selebra loron 28 Novembru ba Proklamasaun Unilaterál ba da-49 iha Oé-Cusse.
“Konsellu simu pedidu mundansa oráriu hodi Berlin Ramenlau tuir eventu 20 Novembru. Ami halo ona oráriu apartir aban,” Prezidente Autoridade Portuáriu Timor-Leste (APORTIL), José Oliveira Leong, liuhusi konferénsia imprensa, iha Portu Dili.
Oráriu ba operasaun iha loron sesta (22 novembru) ne’e iha tuku 17h00 lorokraik sai Dili ba Oé-Cusse, sábadu (23 novembru) iha tuku 17:00 lorokraik sai husi Dili ba Oe-Cusse, domingu (24 novembru) iha 17h00 sai husi Oé-Cusse mai Dili, tersa 26 (novembru 2024) iha tuku 17h00 lorokraik sai husi Dili ba Oé-Cusse, sesta (29 novembru iha tuku 17h00 sai husi Oé-Cusse mai Dili no tersa (03 dezembru) iha tuku 17h00 sai husi Dili ba Oé-Cusse.
Nia esplika, ohin hahú halo komemorasaun ba 28 novembru tanba abertura ba atividade feira atu lori ema ba iha ne’ebá, maibé sei disponivel mós ba pasajeiru sira.
“Husu ba maluk Oé-Cusse sira, ró ba no fila bele utiliza nafatin. Ami loke nafatin ba pasajeiru sira ho presu nafatin,” nia dehan.
Prezidente ne’e hateten, mudansa oráriu ba iha operasaun Berlin Ramelau ne’e sei to’o iha loron 03 dezembru 2024.
Jornalista : Jesuína Xavier
Editór : Cancio Ximenes
