DILI, 22 novembru 2024 (TATOLI) – Promove talentu joven iha área E-sport, operadora telekomunikasaun TELEMOR “hetan di’ak liu”, ofisialmente, asina akordu patrosíniu ho Federasaun Esportu Timor-Leste (FDETL).
Asinatura ne’e hala’o tanba FDETL nia partisipasaun iha Jogu Esportu Azia 2024 (AEG), turnamentu esportu ida-ne’ebé lidera iha Asia, ne’ebé sei realiza iha loron 23 novembru to’o loron 1 dezembru 2024, iha Bangkok, Tailándia.
“Investimentu iha desportu la’ós de’it dalan ida ba Telemor atu suporta talentu foin-sa’e sira, maibé mós afirma fali ninia papél iha kolaborasaun ho governu no povu, hodi halo Timor-Leste hakbesik liután ba dezenvolvimentu teknolójiku no integrasaun internasionál,” tuir komunikadu Telemor ba TATOLI, ohin.
AEG, ne’ebé organiza husi Federasaun Esportu Aziatiku, mak kompetisaun prestijiozu ida-ne’ebé halibur ekipa sira ne’ebé forte liu hosi rejiaun ne’e, hodi oferese oportunidade ba atleta sira atu harii sira-nia reputasaun iha nível internasionál.
Iha turnamentu ida-ne’e, ekipa Timor-Leste sei kompete iha kategoria rua: Mobile Legends Bang no E-Futball. Ida ne’e mós sei sai hanesan dala primeiru ekipa Mobile Legend Timor-Leste nian partisipa iha kompetisaun internasionál ida.
“Esportu mak ponte ne’ebé liga teknolojia no pasiénsia. Ne’e la’ós de’it tendénsia globál ida, maibé mós oportunidade ida ba foin-sa’e sira iha Timor-Leste atu hatudu sira-nia talentu no determinasaun iha nível internasionál,” Diretór-jerál adjuntu Phung Trung Dung, hateten, iha ámbitu serimónia asinatura ne’e.
Dirijente empreza telekomunikasaun vietnamita ne’e akresenta, “Telemor orgullu atu akompaña FDETL iha viajen ida-ne’e hodi bele atinji tan bandeira Timor-Leste nian ba ami-nia kolega sira iha rejiaun no mundu”.
Atu konklui, iha komunikadu ne’e apela, “Mai ita hotu apoiu iha jogu husi equipe Timor -Leste iha Asian Esports Games 2024 no apoia tinan atleta feto sira!”
Tatoli
