DILI, 10 dezembru 2024 (TATOLI)—Prezidente Komisaun E trata asuntu Infraestrutura iha Parlamentu Nasionál (PN), Marcos Soares, husu Ministériu Transporte Komunikasaun (MTK) atu halo reabilitasaun ba terminál Becora iha tinan oin.
“Fiar katak, iha 2025, MTK halo terminál sira ne’e, oinsá fasilita transporte públiku,’’ Nia hateten ba jornalista sira iha resintu PN, tersa ne’e.
Aleinde ne’e, nia husu presiza tau atensaun ba terminál iha Tasi-Tolu atu fasilita pasajeitu sira ba-maimunisípiu mai kaptiál.
Antes ne’e, iha audiénsia Orsamentu Jerál Estadu (OJE) 2025 parte komisaun rekomenda ona ba MTK atu tau atensaun no parte MTK responde katak, Governu haree ona rai iha terminál iha Hera maibé tanba kestaun rai, nune’e husu hadi’a terminál tuan iha Becora, no parte rai-klaran no parte loromonu nian iha Tasi-Tolu atu muda ba Tibar maibé sei haree rai.
“Fiar katak, orsamentu MTK pasa ona iha 2025 implementa orsamentu tau ona, hadi’a uluk terminál tuan sira-ne’e,’’ nia hateten.
Jornalista : Nelson de Sousa
Editór : Cancio Ximenes
