iklan

NASIONÁL, Uncategorized

Governu no Igreja sei enserra atividade kona-ba vizita amu Papa

Governu no Igreja sei enserra atividade kona-ba vizita amu Papa

Fé no devosaun ne’ebé timoroan sira iha ba fiar Katólika. Iha vizita Sua Santidade nian, sarani sira kaer no lori Relikia hodi hatudu sira-nia vertude nu’udar fiar-na’in maske loron manas, distánsia no kolen, hodi ba partisipa misa solene ne’ebé preside direta husi Amu Papa, nu’udar saseluk Kristu nian iha mundu. Imajen TATOLI/Francisco Sony

DILI, 17 dezembru 2024 (TATOLI) – Ministru Administrasaun Estatál (MAE), Tomás do Rosário Cabral, hateten, Amu Papa Francisco sei fó bensaun ba Timor-Leste ba enserramentu atividade kona-ba vizita papál.

Tomás do Rosário Cabral hateten Governu no Igreja halo marka atividade enserramentu ne’e sei hala’o loron 21 dezembru ka fim-de-semana ne’e.

“Iha dia 21 sei iha enserramentu bu’at ne’e ita uluk hanoin ita mesak de’it, maibé ami hetan ona karta ida hodi Vatikanu sei iha bensaun ba territóriu nasionál tomak bensaun amu Papá nian ba enserramentu ida-ne’e,” governante ne’e hato’o ba jornalista sira iha salaun INAP Comoro, Dili.

Nia esplika, bensaun ba atividade enserramentu ne’e, tanba Governu hetan karta ida husi Vatikanu.

Governante ne’e hateten iha atividade enserramentu ne’e sei iha aprezentasaun dokumentu balun kona-ba vizita papa nian.

“Tasi Tolu iha rekomendasaun, tanba ne’e iha loron 22 ita sei aprezenta dokumentu ba dioseze tolu no reprezentante Vatikanu iha Timor-Leste, monseñór Marco Sprizzi haruka ba Vatikanu no ba Governu,” nia hateten.

Rekorda katak Governu liuhusi reuniaun Konsellu Ministru aprova Millaun $12 atu halo prepara ba iha vizita pastorál no Estadu mai iha Timor-Leste iha loron 09 to’o 11 setembru iha tinan ida ne’e.

Jornalista: Jesuína Xavier

Editór: Cancio Ximenes

iklan
iklan

Leave a Reply

iklan
error: Content is protected !!