DILI, 17 dezembru 2024 (TATOLI) – Ministru Administrasaun Estatál, Tomás do Rosário Cabral, informa, Governu seidauk bele halo despeju administrativu ba populasaun sira iha Tasi-tolu.
Governante ne’e hateten kustu ba iha despeju administrativu ba populasaun ne’e bo’ot tebes tanba ne’e labele halo ba populasaun.
Tomás do Rosário Cabral dehan Governu hakarak halo moru ba de’it fatin ne’ebé amu Papá uza ba iha nia vizita pastoral.
“Bu’at ne’ebé ami hamoos ona no fatin ne’ebé amu Papá uza mak ami taka. Se ita atu sobu hotu sira seluk osan sei bo’ot liu,” governante ne’e dehan.
Tuir Ministru, orsamentu ba iha despeju administrativu ne’e kuaze millaun $3 ba populasaun.
“Tanbasá ita lá uza osan ne’e ba halo investimentu ba iha kraik [tasi-ibun nian],” nia dehan.
Antes ne’e, Governu liuhosi Sekretaria Estadu Asuntu Toponímia no Organizasaun Urbana halo ona markasaun ba uma hamutuk 400-resin no balun halo ona despeju administrativu.
Jornaslista : Jesuína Xavier
Editór : Cancio Ximenes
