DILI, 17 dezembru 2024 (TATOLI)—Parlamentu Nasionál (PN), tersa ne’e, liuhusi reuniaun plenária aprova proposta rezolusaun ratifika akordu entre Governu Timor-Leste (TL) ba izensaun vistu pasaporte diplomátiku no pasaporte serbisu ho nasaun tolu hanesan Filipina, Vietname no Índia.
Deputadu sira aprova rezolusaun tolu kada ida-idak ho votu afavór hanesan de’it afavór 38, kontra 0 no abstensaun tolu.
“Hodi nune’e akordu ne’e pasa,’’ Prezidente Parlamentu Nasionál, Maria Fernanda Lay, fó sai iha sala plenária PN, tersa ne’e.
Vise Ministra ba asuntu ASEAN, Milena Rangel, hateten kona-ba akordu izensaun ba pasaporte diplomátiku no serbisu ne’ebé lori negosiasaun tempu lubun ida no agora lori mai ratifika tanba asina ona iha Filipina fulan hirak liu-ba, ida-ne’e mós kriteira ida atu ba ASEAN.
Akordu izensaun vistu rua seluk, nia dehan, mak Vietname no Índia ne’e mós nia kontestu hanesan.
Jornalista : Nelson de Sousa
Editór : Cancio Ximenes
