DILI, 23 dezembru 2024 (TATOLI)—Parlamentu Nasionál (PN) hanesan órgaun soberania Repúblika Demokrátika Timor-Leste (RDTL) nian ne’ebé reprezenta timoroan tomak, ne’ebé iha kbiit atu halo lei, fiskaliza no halo desizaun polítika tuir konstituisaun artigu 92.
Notísia Relevante: PN aprova proposta OJE 2025 biliaun $2,6 iha finál globál ho votu afavór 42
Durante tinan 2024 nia laran, PN aprova lei ualu (8) inklui Orsamentu Jerál Estadu (OJE) 2025 no lei sira-ne’e mak hanesan;
Lei númeru 1/2024, 08 maiu alterasaun daruak lei n.º 8/2009, 15 jullu, lei kona-ba Komisaun Anti-Korrupsaun.
Lei nº 2/2024, 8 maiu, Exersísiu Direitu Petisaun.
Lei nº 3/2024, 12 juñu, alterasaun datoluk lei nº 3/2006, 12, abríl, Estatutu Kombatente Libertasaun Nasionál.
Lei nº 4/2024, 03 jullu, Presidénsia no Protokolu Estadu.
Lei nº 5/2024, 17 jullu, Mandatu titulár ou membru órgaun designadu husi Parlamentu Nasionál.
Lei nº 6/2024, 17 jullu, aprova Lei Baze Ensinu Superiór no prosede alterasaun dahuluk lei nº 14/2008, 29 outubru, Lei Baze Edukasaun.
Lei nº 7/2024, 23 outubru, Autorizasaun lejislativa ba Governu iha matéria fixasaun limite idade ba relasaun traballu funsionáriu públiku no ajente administrasaun públika.
Lei nº 8/2024, 26 novembru, Orsamentu Jerál Estadu (OJE) 2025.
PN Aprova rezolusaun 34
Aleinde ne’e, PN aprova mós rezolusaun PN hitu (7) hodi autoriza Prezidente Repúblika (PR) halo dezlokasaun ba nasaun hamutuk 13.
Rezolusaun PN nº 3/2024, 31 janeiru, eleisaun vogal ida afetivu no vogál suplente ida ba Konsellu Superiór Defensória Públika.
Rezolusaun PN nº 4/2024, 07 fevereiru, fixa valór máximu remunerasaun mensal ilíkida ba tékniku apoiu ba Deputadu iha lejislatura VI.
Rezolusaun nº 5 /2024, 07 fevereiru, alterasaun dahuluk rezolusaun PN nº16/2023, 24 maiu, ne’ebé aprova Rejime Subsídiu Deputadu ba PN.
Rezolusaun nº 6 /2024, 07 fevereiru, eleisaun membru na’in rua ba Konsellu Fiskalizasaun Sistema Nasionál Intelejénsia.
Rezolusaun nº 7 /2024, 13 fevereiru, kria komisaun eventual akompañamentu prosesu adezaun ba ASEAN.
Rezolusaun nº 9/2024, 12 marsu, alterasaun daruak rezolusaun PN nº 16/2023, 24 maiu, ne’ebé aprova rejime subsidiu ba Deputadu PN.
Rezolusaun nº 10/2024, 20 marsu, eleisaun membru ida efetivu no membru suplente ida ba konsellu superiór Ministériu Públiku.
Rezolusaun nº 11/2024, 20 marsu, auditória indepedente jestaun kámara konta.
Rezolusaun nº 15/2024, 29 maiu, kona-ba kestaun ba manorin na’in edukasaun pre-eskolár no ensinu báziku no sekundáriu kontratadu.
Rezolusaun nº 16/2024, 12 juñu, atribuisaun nasionalidade António José Garcia Sampaio por altu no relevante serbisu prestadu ba país.
Rezolusaun nº 18/2024, 26 juñu, designasaun husi PN ba Komisáriu Anti-Korrupsaun.
Rezolusaun nº 19/2024, 03 jullu, ratifika ba adezaun konvensaun ba solusaun pasífika ba konflitu internasionál, konklui iha Haia iha 18 outubru 1907.
Rezolusaun nº 21/2024, 17 jullu, regulamentu atribuisaun prémiu liberdade expresaun Max Stahl.
Rezolusaun nº 22/2024, 17 jullu, ratifika protokolu ne’ebé altera akordu Marraquexe ne’ebé kria Organizasaun Mundiál Komérsiu.
Rezolusaun nº 23/2024, 17 jullu, ratifika protokolu adezaun repúblika repúblika demokrátika Timor-Leste ba Organizasaun Mundiál Komérsiu.
Rezolusaun nº 24/2024, 27 agostu, ratifika akordu entre repúblika demokrátika Timor-Leste ho Ajénsia internasionál Enérjia Atómika ba Aplikasaun Salvaguarda iha ámbitu tratadu não- proliferasaun arma nuklear.
Rezolusaun nº 25/2024, 02 setembru, atribuisaun nasionalida António Manuel de Oliveira Guterres por altu no relevante serbisu presta ba país.
Rezolusaun nº 26/2024, 20 setembru, ratifika akordu, iha ámbitu konvensaun Nasaun Unida kona-ba direitu Tasi, relativa konservasaun no utilizasaun sustentável diversidade biolójika mariña iha área la sujeita jurisdisaun nasionál.
Rezolusaun nº 27/2024, 25 setembru, orsamentu PN ba 2025.
Rezolusaun nº 28/2024, 25 setembru, alterasaun dahuluk rezolusaun nº. o6/2023, 29 marsu ne’ebé aprova kuadru pesoal PN.
Rezolusaun nº 29/2024, 17 outubru, aprova o akordu entre Governu Timor-Leste (TL) no Governu Sua Majestade Sultaun no Yang Di-Pertuan Brunei Darussalam kona-ba Izensaun vistu ba titulár pasaporte diplomátiku no ofisiál ou serbisu.
Rezolusaun nº 30/2024, 17 outubru, aprova akordu entre Governu TL no Governu Singapura kona-ba Izensaun vistu ba titulár pasaporte diplomátiku no serbisu.
Rezolusaun nº 31/2024, 17 outubru, aprova akordu entre Governu TL no Governu Reinu Tailándia kona-ba Izensaun vistu ba fin turístiku ba titulár pasaporte komún.
Aleinde, PN mós aprova proposta rezolusaun ratifika akordu serbisu aeriu entre Governu TL ho Governu Malásia.
Nune’e mó. PN aprova proposta rezolusaun ratifika akordu entre Governu TL ho Governu Filipina kona-ba izensaun vistu pasaporte diplomátiku no pasaporte serbisu.
PN aprova proposta rezolusaun ratifika akordu entre Governu TL ho Governu Vietname izensaun vistu ba titulár pasaporte diplomátiku ho pasaporte serbisu.
Ikus liu, PN ratifika proposta rezolusaun ratifika akordu entre Governu TL ho Governu Índia kona-ba izensaun vistu ba titulár pasaporte diplomátiku no pasaporte serbisu.
Jornalista : Nelson de Sousa
Editór : Cancio Ximenes
