VIQUEQUE, 23 dezembru 2024 (TATOLI)- Diretór Obra Publika (MOP) munisipiu Viqueque, Casildo Gomes Soares, relata, projetu reabilitasaun ba estrada rurál iha munisipiu Viqueque hamutuk pakote ualu, daudaun empreza manán na’in-sira hahú mobiliza material konstrusaun atu halo implementasaun.
“Projetu reabilitasaun ne’ebé munisípiu Viqueque hetan hamutuk pakote ualu, empreza sira foin lalais asina kontratu servisu no mai aprezenta ona ba autoridade munisípiu sira. Daudaun empreza sira mobiliza ona materiál konstrusaun, Nune’e Natal ne’e liu sira hahú servisu”,Casildo Gomes, hateten ba TATOLI, iha postu Viqueque Vila, ohin.
Projetu pakote ualu iha postu tolu hanesan Uatucarbau, Uatulari, Viqueque Vila no Ossu. Nune’e, ba prosesu reabilta ne’e sei aterru, bee dalan no balun cor ho besi beton, ho durasaun kontratu servisu tinan 1 no retensaun tinan 1.
“Ha’u fiar katak ho implementasaun projetu reabilita estrada rurál ne’e bele responde ona autoridade sira-nia preokupasaun kona-ba estrada rurál sira. Maske ita sei rezolve oituan, maibé tempu ruma ita sei rezolve hotu hodi populasaun sira ne’ebé hela iha área rurál sira bele asesu hodi lori produtu lokál ba merkadu”, nia kompromete.
Projetu reabilita ba pakote ualu ne’e MOP mak akompaña empreza sira, atu nune’e sira bele servisu tuir dezeñu ne’ebé iha, servisu atu lais ka tarde depende ba kada empreza sira kapasidade servisu,
Projetu konstrusaun reabilita estrada rurál pakote ualu implementa iha tinan ida-ne’e kompostu husi Kaiualita hahú 3+500-7+00 suku Loiulu, lrabin de Cima, Bahatata no Afaloikai postu Uatucarbau ho orsamentu $730,536.11, responsavel husi empreza Sabirara Unip Lda.
Pokete husi Loiulu ba Uaidasu kilométru 3 postu. Uatucarbau, totál orsamentu $668,595.71 empreza Marju Co Unip Lda, Reablita estrada suku Loiulu Uaidasu ba Nabo 3+000-6+000, ho orsamentu $580,744.60, ka’er husi empreza_ Rizonel Unip Lda.
Reablitasaun estrada husi suku Loiulu Naboba Daragata 6+000-8+300, ho orsamentu $580,744.60 , ka’er husi empreza Rizonel Unip Lda.
Reabilitasaun estrada rurál husi Nunumalau ba Iraler 0+000-2+500, postu Uatulari orsamentu ba reabiltasaun hamutuk $632,073. 34, responsavél husi empreza Civ Fitun L Dware Unip Lda, Reabilitasaun estrada rurál Kararas liga ba Ueluli Manas kimentru 0+000-2+200, ho $551,941.70, ka’er husi empreza Lutu Tare Unip Lda.
Reabilitasaun estrada rural husi Ossu de Cima liga suku Liaruka ba postu Ossu kilométru 2 ne’ebé sei gasta orsamentu hamutuk $459, 817.93, konstrui husi empreza Metaquili Unp Lda no Pakote reabilitasaun husi Ossu de Cima ba Liaruka kilomeétru ba postu Ossu, sei gasta $489,147.85, responsavél husi empreza Lara Wulu Unip Lda.
Jornalista : Vitorino Lopes da Costa
Editór : Florencio Miranda Ximenes
