iklan

EKONOMIA, MUNISÍPIU, VIKEKE

Terra no Propriedade Viqueque arrekada reseita rihun $7 ba Kofre Estadu

Terra no Propriedade Viqueque arrekada reseita rihun $7 ba Kofre Estadu

Edifisiu Terra no Propriedade Viqueque. Imajén Tatoli/Vitorino Lopes da Costa

VIQUEQUE, 07 janeiru 2025 (TATOLI)- Diresaun Servisu Terra no Propriedade (DSTP), Munisípiu Viqueque, hahú husi Janeiru to’o Dezembru 2024, konsege arrekada reseita $7,655.00 ba kofre Estadu.

“Ami konsege rekolla reseita $7,655.00, hodi hatama ba kofre Estadu. Ha’u espera katak ba tinan 2025 ita bele hasa’e tan reseita husi arrendatáriu sira”, informa Diretór Servisu Terra Propriedade Munisípiu Viqueque, Apolinário Ximenes, ba TATOLI, iha ninia kna’ar fatin Beloi, ohin.

Governu liuhusi Ministériu Jusisa (MJ) fó sai ona rezolusaun kona-ba arrendatáriu nian, hodi aplika ba ema sira ne’ebé arrenda propriedade Estadu nian hanesan rai no uma sira.

“Ita nia Ministru Justisa fó ona orientasaun ba ami, hodi hato’o ba ita-nia arrendatáriu sira-ne’ebé dala ruma selu ladun pontuál sira. Ho rezolusaun ida-ne’e ita bele hasa’e taxa tanba ita-nia arrendatáriu ne’ebé selu la kumpre no la tuir tempu kontratu sei hetan multa”, nia afirma.

DSTP fó ona kontratu ba arrendatáriu sira-iha munisípiu Viqueque hamutuk 100, kompostu husi edifísiu no maioria rezidénsia.

Dezafiu ne’ebé DSTP hasoru, Diretór ne’e dehan menus funsionáriu hodi fó atendementu ba arrendatáriu sira no menus transporte.

“Dezafiu sira-ne’e,  ha’u hato’o ona ba Ministériu Justisa, nune’e foin lalais tinan kotuk (2024) halo ona rekrutamentu ba funsionáriu ba munisípiu Viquque na’in-11, maibé prosesu rekrutamentu mak seidauk finaliza, ami fiar katak tinan ida-ne’e ami sei hetan funsionáriu”, nia afirma.

Kona-ba  transporte, nia dehan “Ami iha karreta ida kondisaun aat seidauk halo manutensaun, ami transporte laiha ne’ebé atu postu sira-ne’e defisil ba ami. Karreta ne’e ami relata hotu ona ba nasionál, espera iha tinan ida-ne’e ami bele hetan transporte hodi fasilita ami ba tama sai postu sira hodi ko’alia ho ita-nia arrendatáriu sira.  nia hato’o.

Tuir dadús reseita kada trimestrál hahú husi trimestrál dahuluk arrekada $1,700, trimestrál daruak $1,588, trimestrál datoluk $2,104 no trimestrál da-haat $2,263.

Daudauk ne’e, funasionáriu servisu iha DNCP na’in-hitu no funsionáriu delegasaun territoriál na’in-lima mak kada loron fó atendementu arrendatáriu sira iha munisípiu Viqueque.

Jornalista : Vitorino Lopes da Costa
Editór          : Florencio Miranda Ximenes

iklan
iklan

Leave a Reply

iklan
error: Content is protected !!