iklan

KAPITÁL

Governu kontinua servisu ba kondisaun mínimu prosesu desentralizasaun-poder lokál

Governu kontinua servisu ba kondisaun mínimu prosesu desentralizasaun-poder lokál

Sekretáriu Estadu Dezenvolvimentu Lokál, Mateus dos Santos Tallo. Imajen Tatoli/Egas Cristóvão

DILI, 09 janeiru 2025 (TATOLI)–Sekretariu Estadu Desentralizasaun Lokal, Mateus dos Santos Tallo hateten Governu kontinua halo servisu makaas ba kondisaun mínimu ba prosesu desentralizasaun no poder lokál.

“Programa ida-ne’e atu haree liu aspetu ba kondisaun mínimu hanesan preparasaun serbisu no kondisaun serbisu (infraestrura no fasilidade) no instrumentu sira seluk ne’ebé Governu sentrál tenke tau matan no fó asisténsia,” governante ne’e hateten ba jornaslista sira iha Becora, kinta ne’e.

Governu iha serbisu tolu (3) hodi haree ba iha servisu efisiénsia administrasaun lokál, apoiu dezenvolvimentu lokál no kommunitáriu.

“Governu nia serbisu mak iha nível oinsá fó asisténsia tékniku ba autoridade munisipál, postu administrativu no lideransa konunitária tuir lei no kompeténsia ne’ebé delega ba sira,” nia dehan.

Ezekutivu ne’e hateten, iha fulan tolu dahuluk ne’e sei halo ajuda munisipiu sira ba revizaun planu estratéjiku munisipál no dadus avaliasaun kondisaun mínimu munisipál tinan kotuk nian ne’ebé sei lansa iha tempu badak.

Governante ne’e esplika, dadus ne’e atu haree dezenvolvimentu suku, kondisaun no prestasaun servisu lideransa suku ho nia membru sira ba servisu no funsaun.

Nune’e mós, nia dehan, sei ajuda planu prioridade kada suku ba investimentu sosiu ekonomia kada suku.

“Tinan hirak mai ne’e sira iha planu ida integradu, hein halo melloramentu de’it,” nia dehan.

Jornalista : Jesuína Xavier

Editór       : Cancio Ximenes

iklan
iklan

Leave a Reply

iklan
error: Content is protected !!