iklan

INTERNASIONÁL, DILI, HEADLINE

MNEK asina livru kondolénsia ba falesimentu eis-Prezidente EUA

MNEK asina livru kondolénsia ba falesimentu eis-Prezidente EUA

Ministru Negósiu Estranjeiru no Kooperasaun (MNEK), Bendito dos Santos Freitas.Imajen/Midia MNEK

DILI, 13 janeiru 2025 (TATOLI) – Ministru Negósiu Estranjeiru no Kooperasaun (MNEK), Bendito dos Santos Freitas, segunda ne’e, asina livru kondolénsia iha Embaixada Estadu Unidu Amérika (EUA) ba falesimentu eis Prezidente Amérika, Jimmy Cartaer, ne’ebé hakotu iis iha loron 29 Dezembru 2024 liuba.

“Ami nia hanoin no orasaun hela hamutuk nafatin ho família no povu Amerikanu. Hein katak, nia klamar hetan fatin di’ak iha lalehan. Ami nia sinceras kondolensias,” Ministru Bendito tenik iha Embaxada EUA Praia dos Coquero Dili.

Ministru Bendito Freitas ne’ebé akompañadu to’o iha Embaixada EUA simu husi Embaixadora EUA iha Timor-Leste, Donna Ann Welton ho ekipa embaixada.

Ministru Bendito  dehan, povu no Governu Timor-Leste nian simu ho laran susar no triste, notísia kona-ba eis-Prezidente Estadu Unidu Amérika, Jimmy Carter, ne’ebé husik hela nia perigrinasaun iha mundu ne’e, hafoin hetan kuidadu saúde durante tempu naruk uitoan.

Nune’e, Governante ne’e lori IX Governu Kostitusional Timor-Leste nia naran hakarak hato’o sentidu kondolénsia ne’ebé kle’an tebes ba família no povu Amerikanu ne’ebé lakon líder boot no extraordinariu ida-ne’e.

Jimmy Carter hanesan Eis-Prezidente Amérika nian ida ne’ebé moris kle’ur tebes hanesan estadista no umanista boot ida, no nia luta maka’as hasoru korrupsaun, ba páz iha mundu, defende demokrasia, direitu umanu no promove eleisaun ne’ebé livre no justa.

Jornalista: Hortencio Sanchez

Editor: Florencio Miranda Ximenes

iklan
iklan

Leave a Reply

iklan
error: Content is protected !!