iklan

MUNISÍPIU, VIKEKE

Mota Halifutu Manu lori labarik ida buka seidauk hetan

Mota Halifutu Manu lori labarik ida buka seidauk hetan

Autoridade Protesaun Sivil (APC, sigla portugés) no Bombeiru hamutuk ho família buka tuir labarik Avelino Soares Gomes, tinan lima (5), ne’ebé mota Halifutu Manu lori, to’o agora seidauk hetan nia mate-isin. Imajen Tatoli/Vitorino Lopes da Costa.

VIQUEQUE, 17 janeiru 2025 (TATOLI)—Autoridade Protesaun Sivil (APC, sigla portugés) no Bombeiru hamutuk ho família buka tuir Avelino Soares Gomes, tinan lima (5), ne’ebé mota Halifutu Manu lori, to’o agora seidauk hetan nia mate-isin.

Alontesimenru ne’e akontese iha aldeia Lamak Laran, suku Caraubalu, postu Viqueque Vila, munisípiu Viqueque, iha segunda (13 janeiru 2025) maizumenus tuku 12h00 meudia bainhira mosu udan boot.

Komadante APC munisípiu Viqueque, Cirilio Soares Gomes, hateten liu tiha minutu balun APC simu informasaun husi komunidade Caraubalu mo APC hamutuk ho ekipa Bombeiru dezloka kedas ba fatin akontesementu hodi buka yuir vítima.

“Iha akontesementu ne’e liu tiha minutu 30 mak ami foin simu informasaun, ami mobiliza ekipa Bombeiru ba fatin akontesimentu, maibé to’o iha fatin akontesimentu bee-mota komesa maran. Ami deskonfia mota referida lori labarik ba liu mota boot-mota Lee nian, nune’e ekipa ho kominidade la’o tuir mota hodi buka vitima. Ita labele tama mota boot nia laran tanba korrente bee boot,” Komadante APC hateten ba jornalista sira iha ninia kna’ar fatin, Beloi, ohin.

Nia dehan, husi segunda to’o agora ekipa APC hamutuk ho ekipa Bombeiru no família vitima no komunidade buka husi área Olabai to’o mota Lee parte suku Uma Uain Karik, maibé la hetan vitima.

Tuir kronólojia, akontesementu mota lori vítima ne’e iha segunda ne’e ho ninia inan no nia tiu rasik, sira ba tesi ai atu hadi’a sira nian uma maibé vítima ho nia inan no tiu lakon sentidu ba labarik, entaun labarik monu tma ba mota laran hafoin mak labarik nia inan no tiu hakfodak maibé labarik lakon tiha ona.

“Agora daudaun ami ho família husi vítima hein udan para tiha mak ita kontinua buka. Oinsá mak ita bele hetan vitima tanba ita seidauk iha sinál ruma atu hetan vitima. Ho akontesimentu ne’e ami husu komunidade ne’ebé hela besik mota ibun, iha rai-lolon hadok aan husi risku ba dezastre naturál,” nia dehan.

Iha fatin seluk, reprezentante família vítima, Jacinta Soares, sente triste haree dezastre naturál ida-ne’e, mota lori vítima ne’e husi mota ne’ebé kiik maibé lori vítima to’o agora família tomak hamriik hotu ba buka ona loron lima la hetan.

“Iha akontesimentu ne’e ha’u-nia maun tama kedas ba bee laran hodi buka labarik, maibé lahetan. Ami sente triste lakon vítima. Dezde lakon, komunidade husi suku Uma Kiik, Uma Uain Kraik no Caraubalu ajuda buka hotu, maibé lahetan nafatin. Ami sei nafatin buka to’o hetan,” nia hateten.

Enkuantu, vítima Abelino Soares Gomes ne’ebé mota lori ne’e oan husi Bendita Soares no aman Bernardino Soares Gomes, husi suku Caraubalu, postu Viqueque vila, munisípiu Viqueque.

Jornalista : Vitorino Lopes da Costa

Editór       : Cancio Ximenes

iklan
iklan

Leave a Reply

iklan
error: Content is protected !!