COVALIMA, 23 janeiru 2025 (TATOLI)-Sekretáriu Asuntu Sosiáll, Filomeno Cardoso hamutuk ho Diretór Servisu Saúde Covalima Domingos Sequeira observa direta konstrusaun postu saúde Beiseuk Tilomar.
“Ohin ha’u konfirma ho xefe programa katak sentru saude Beiseuk iha Sasan balun tanba ne’e ha’u konfirma ho Prezidente Autoridade Covalima Miguel Armada Cardoso”, Diretór Servisu Saúde Covalima, Domingos Sequeira dehan iha postu Saúde Tilomar, ohin.
Hafoin konfirma ho Prezidente Autoridade Covalima fó kedas orientasaun ba Diretór Servisu Saúde Covalima ho Sekretàriu Asuntu Sosiál hodi observa atu foti sasan sira hanesan armáriu , kadeira Sofa jogu rua, kama , spring-bed no seluktan iha postu saúde Beiseuk Tilomar
“Ohin ita mai haree ona sasan no ita tuha’Pou sei relata fali atu bele foti desizaun oinsá ida-ne’e kompeténsia PAM,”nia dehan.
Durante ne’e, Ministériu Saúde mós halo ona observasaun maibé sira ko’alia Postu Saúde Tilomar la serve ona atu uza no presiza atu sobu tanba planu ba futuru atu konstrui fali foun daudaun ne’e halo hela mapamentu entrega ba Ministériu Saúde atu haree.
Iha sorin seluk komunidade Juvinal Moniz Amaral dehan, Autoridade bele foti sasan maibé sira atu selu ba nia tanba durante ne’e nia mak kaer xave hodi tau-matan.
“Ha’u dehan ba sira bele foti sasan maibé sira presiza atu selu fo ha’u durante tinan resin ona ne’e tanba durante ne’e ha’u mak kaer xave hodi asegura sasan sira iha postu saúde,” nia reforsa.
Fó hanoin fali katak, Postu saúde Beiseuk ne’e konstrui husi CARAME Unipesoal Lda, ho orsamentu hamutuk $ 295,785.42, ne’ebé hahú kkonstrui iha loron 18 agustu 2021 ramata iha 17 fevereiru 2022.
Hafoin empreza finaliza konstrusaun atu entrega xave la konsege tanba konstrusaun postu Saúde referidu nia aliserse nakfera tanba ne’e to’o ohin loron la uza.
Jornalista : Celestina Teles
Editór: Rafael Ximenes de A. Belo.
