DILI, 31 janeiru 2025 (TATOLI)—Servisu Saúde Munisípiu Dili rejista moras Infeksaun Vias Respiratóriu Aguda (ISPA) hamutuk 131.661, durante tinan 2024.
“Durante 2024 ita rejista moras ISPA iha fasilidade saúde sira hanesan Becora, Comoro, Formosa, Metinaro, Vera Cruz hamutuk 131.661,” Diretór Servisu Saúde Munisipiu Dili, Mateus Pinto, informa ba Agência Tatoli, iha ninia knaar fatin, sesta ne’e.
Totál moras ne’e mai husi Sentru Saúde Comoro 68.673, Formosa 12.552, Metinaro 4.001, no Vera Cruz 14.737.
“Rejista tan diarea akut hamutuk 24.686, husi Sentru Saúde Becora 5.774, Comoro 12.646, Formosa 1.792, Metinaro 841 no Vera Cruz 3.655,” nia akresenta.
Notísia relevante : Sentru Saúde Viqueque Vila rejista pasiente moras ISPA ho númeru a’as
SSMD rejista moras pneumonia hamutuk 9.973, husi Sentru Saúde Becora 1.525, Comoro 6.654, Formosa 819 Metinaro 41, no Vera Cruz 934.
“Ita mós rejista moras scabies hamutuk 2.001, husi Sentru Saúde Becora iha pasiente 637, Comoro 917, Formosa 220, Metinaro 41, no Vera Cruz 186,” nia relata.
Durante ne’e, SSMD rejista moras diarea ho ran hamutuk 678, husi ne’e Sentru Saúde Becora 160, Comoro 387, Formosa 54, Metinaro 15 no Vera Cruz 62.
Rejista mos asidente tráfiku 7.126, husi ne’e Sentru Saúde Becora 1.585, Comoro 4.103, Formosa 379, Metinaro 717, no Vera Cruz 342.
Jornalista : Felicidade Ximenes
Editora : Julia Chatarina
