iklan

EKONOMIA, KOVALIMA

Perfurasaun mina matan tolu iha Covalima, iha indikasaun deskobre petróleu

Perfurasaun mina matan tolu iha Covalima, iha indikasaun deskobre petróleu

COVALIMA, 03 fevereiru 2025 ( TATOLI)- Ministru Petróleu Rekursu Minerál, Francisco da Costa Monteiro informa katak, prosesu perfurasaun mina Feto Kmaus, Liurai no Lafaek, tékniku sira deskobre ona petróleu.

“Ekipa Autoridade Nasionál Petróleu (ANP),  Timor Gap  no empreza Timor Resources (TR),  atu halo tan perfurasaun ba da-haat ne’ebé  sei hala’o iha tinan ne’e, maibé molok atu fura iha mina-matan Liurai,  Lafaek no Feto Kmaus ne’ebé hetan ona indikasaun, teknikamente, ita dehan dekobre petróleu ona”, Ministru Petróleu Rekursu Minerál, Francisco da Costa Monteiro, informa ba jornalista sira, hafoin abertura kursu dalen inglés iha Sanfuk, ohin.

Governante ne’e esplika katak, tékniku sira deskobre ona pretóleu, maibé presiza nafatin atu halo perfurasaun nune’e  atu hatene nia volume produsaun bainhira halo investimentu derrepente maran, tanba ne’e  presiza  nafatin halo perfurasaun iha fatin seluk atu halo kalkulasaun.

Ho nune’e  atu  hatene akumulasaun iha mós  fatin seluk no presiza halo kalkulasaun nia volume bainhira fa’an ba merkadu nia rendimentu bo’ot nune’e nia bele kobre ba investimentu ne’ebé ho valór millaun atu halo investimentu iha Suai.

“Prosesu la’o hela,  ami iha konfiansa no tinan ne’e,  ita nafatin sei halo perfurasaun iha  fatin  rua  nune’e prova  bainhira hetan tan mina atu alarga tan ita bele ba to’o iha faze dezenvolvimentu no to’o iha faze produsaun,” nia dehan.

Tanba ne’e atu tama iha faze produsaun,  presiza atu hein tan  to’o prova no kalkulu ne’e bolu dekobrementu tékniku ona, maibé  deskobrimentu komersiál maske buat ne’e iha komersiál no viavel ona.

Molok ne’e, perfurasaun Mina Matan Feto Kmaus ne’ebé Lokaliza iha aldeia Tabakolot, Suku Debos Postu Administrativu Suai ne’e lansa husi eis -Primeiru Ministru Taur Matan Ruak, iha 27 outubru 2021.

Empreza ne’ebé mak halo perfurasaun ba mina Feto kmaus mak empreza Timor Resources ho nia parseiru Timor Gap, E.P.

Jornalista: Celestina Teles

Editór: Rafael Ximenes de  A. Belo

iklan
iklan

Leave a Reply

iklan
error: Content is protected !!