Governu autoriza Ministra Finansa hato’o kontraproposta ba negosiasaun ho EAU
DILI, 19 Fevereiru 2025 (TATOLI) – Konsellu Ministru autoriza Ministra Finansa, Santina Cardoso, hodi aprezenta kontraproposta hodi halo negosisaun ho Emiradu Árabe Unidu (EAU).
Ministru Prezidénsia Konsellu Ministru, Agio Pereira, esplika katak tuir projetu ne’ebé aprezenta husi Ministra Finansa, no tuir proposta ne’ebé aprezenta husi EAU nian hodi asina konvensaun ida hodi evita tributasaun dupla no prevene evazaun fiskál iha área impostu sira ba rendimentu
“Konsellu Ministru delibera atu autoriza Ministra Finansa hodi halo negosiasaun ho autoridade Emiradu Árabe Unidu nian hodi aprezenta kontraproposta hodi asegura repartisaun justa husi kustu no benefísiu ida-idak entre nasaun rua ne’e no garante promosaun investimentu ida ne’ebé efetivu liután”, governante ne’e informa iha Palásiu Governu, ohin.
Jornalista: Arminda Fonseca
Editora: Maria Auxiliadora
