Estoke ai-moruk iha servisu saúde Vikeke sufisiente fó atendementu ba komunidade
VIKEKE, 21 Fevereiru 2025 (TATOLI)—Reprezentante Servisu Saúde Munisipál (SSM) munisípiu Vikeke, Fernando Soares, klarfika ba públiku katak estoke ai-moruk iha Servisu Saúde munisípiu Vikeke sei sufisiente hodi fó atendementu ba komunidade.
“Ha’u hakarak klarifika ba públiku tomak katak dala barak ema preokupa dehan ita-nia estoke ai-moruk postu saúde no sentru saúde laiha, tanba ne’e, ha’u hakarak relata ba públika sira daudaun ne’e ita iha estoke ai-moruk sufisiente hodi atende ba ita-nia komunidade iha baze,” Fernando Soares hateten ba Tatoli iha postu Vikeke Vila, ohin.
Minsitériu Saúde, nia dehan, iha regra medikamentu ai-moruk iha ospitál, labele tau iha nivél Internamentu Vikeke tanba internamentu halo tratamentu saúde primária nian.
“Ita-nia medikamentu labele hanesan Hospitál Referál Baukau, Hospitál Nasionál Guido Valadares (HNGV). Tan ne’e, ha’u klarifika ba komunidade bele komprende ai-moruk ne’ebé nasionál haruka ba ita munisípiu Vikeke hamutuk totál item 262. Husi ai-moruk sira-ne’e, foku liu ba asaun prevensaun,” nia dehan.
Kona-ba ai-moruk, nia relata, ai-moruk ba moras Infeksaun Respiratóriu Aguda (IRA), mear, isin-manas, kuandu ai-moruk husi item laiha médiku sira bele susbtitui ho ai-moruk seluk ne’ebé ba trata moras sira.
“Tanba ne’e, ha’u husu komunidade labele husu dehan ai-moruk iha ka lae, maibé ba halo tratamentu iha fasilidade saúde mak ita-nia médiku sira identifka moras hodi fó ai-moruk. Karik, ai-moruk parcetamol laiha, ami troka ai-moruk asetazol no ai-moruk erittromicin, laiha ami troka amoxilin tanba ai-moruk sira-ne’e kategória hanesan,” nia hateten.
Oinsá kontrolu ai-moruk, nia hatán, servisu saúde munisípiu Vikeke liuhusi sistema ida-ne’ebé distribui tableta ba kada sentru saúde, postu saúde inklu pulsa kada fulan $30 hodi pesoál saúde sira emxe ba tableta hodi manda relatóriu ai-moruk kada oras iha tuku 17h00 lorokraik.
“Tanba ai-moruk ne’ebé nasionál distribui mai Vikeke, ami rejista hotu iha sistema laran ne’ebé to’o tuku 17h00 lorokraik ne’e, ami hatene ona ema hira mak ba konsulta iha fasilidade saúde, loron ida ai-moruk hira mak hotu ne’e, ami hatene. Nune’e, ema ko’alia de’it dehan ai-moruk hotu maibé ami haree iha sistema ne’e estoke ai-moruk iha, durante ne’e ita Vikeke nunka mais ai-moruk menus,” nia esplika.
Ai-moruk sira-ne’ebé uza iha Vikeke mak hanesan parcetamol, amoxilin, Allopurmot 100mg tabs, Atenolol 50m tabs, Benzore no Salicylic Acid Ointment Whitfields 6%/3% 30gm, Brombenne Syrup 4mg/Smi Bot/60mi, Calarmin Lotion 100m |/Bottle, Ceftriaxone injection Powder Vial/ 1gm, Chloramphenicol Eye Ointment 1% Tube/5gm, Chlorpromazine HCL double scored 100mg tabs, Chlorpomazine HCL injecton 25m/ml Amp/2ml, Clotrimazine Vaginal Pessary 500mg, Cloxacin Sodium Oral Suspension 125mg/5ml Bot/100
Aleinde ne’e, ai-moruk Cloxacillin Sodium scored 500mg tats, Diazepam 5mg tabs, Haloperidol 5Smg Scored tabs, Hydrocortisone Sodium Succinate Injection 100me Vial, Metoclopramide HCL 10mg tabs, Multvitamin Syrup BP Bot/60ml, Permethrin Lotion 1% Bot/100mlI, Promethazine HCL injection 25mg/amp/2ml, Promethazine HCL Coated 25mg tabs, Salbutamol Scored 4mg tabs, Salbutamol Sulfate Injection 5Omcg/1ml Amp/2ml.
Nune’e mós ai-moruk Vitamin B1 (Thiamine HCL) 50mg) tabs, Vitamin B6 (Pyridaxine HCL) 50mg tabs, Vitamin K1 (Phytomenadione) inject on Adut 10mg/ml Amp/iml no 5m, Vitamin KI (Phytomenadione) Injection Paediatric no seluktán.
Jornalista : Vitorino Lopes da Costa
Editór : Cancio Ximenes
