KOVALIMA, 21 fevereiru 2025 (TATOLI) – Servisu munisípiu protesaun sívil jestaun risku dezastre naturál (SMPSJRDN) identifika ona suku18 mak risku ba dezastre naturál, iha munisípiu Kovalima.
“Ami ekipa husi Servisu Munisipál Protesaun Sívil ho parseiru sira hanesan Autoridade protesaun Sívil (APC-sigla Portugés), ho parseiru sira identifika ona suku sira ne’ebé risku ba dezastre naturál”, Diretór SMPSJRDN, João Martins dehan ba TATOLI iha Tabakolot, ohin.
SMPSJRDN hamutuk parseiru suku 17 ne’ebé risku ba dezastre naturál mai husi postu administrativu sira hanesan Zumalai, Suai, Fatululik, Fohorem, Fatumea no Tilomar ho tipu dezastre hanesan inundasaun, anin no erozaun.
Suku 18 ne’ebé identifika risku dezastre iha Suku Raimea, Tashilin, Fatuleto ho Lour akontese tipu dezastre naturál inundasaun no iha suku Zulo rai halai ne’ebé kada tinan sempre akontese Dezastre naturál husi postu Zumalai.
Postu Suai akontese iha suku Suai Loro no suku Beco ho tipu dezastre inundasaun. Maucatar Suku Holpilat, rai halai, Ogues Matai inundasaun
Iha postu Tilomar suku Maudemo Casabauk ho tipu dezastre naturál inundasaun. Postu Fohorem, iha suku Fohorem menus anin sobu uma no rai halai, iha suku Laktos, Dato tolu, no Dato Rua anin sobu uma. Fatumea iha suku Nanu.
“Iha postu Fatululik iha suku Taroman ami-nia parseiru World Vision mak destaka iha Fatululik bainhira akontese dezastre akontese anin sobu uma sira mak responde”, nia dehan.
Jornalista:Celestina Teles
Editór: Rafael Ximenes de A. Belo
