KOVALIMA , 28 fevereiru 2025 (TATOLI)- Konsellu Munisipál Kombatente Libertasaun Nasionál (CMCLN, sigla portugés) Kovalima hasa’e de’it bandeira hanesan baibain hodi komemora loron nasionál veteranu ne’ebé monu, iha 03 marsu 2025 ne’e.
“ Konsellu Munisipál Kombatente Nasionál Kovalima liuhusi segundu Vise Prezidente Konsellu Kombatente Nasionál, hasai ona sirkulár ho númeru 106 iha loron 25 fevereiru hodi orienta ba konsellu munsipál hotu inklui Munisípiu Kovalima la hala’o atividade, maibé hasa’e de’it bandeira hanesan baibai”, Sekretáriu CLN Munisípiu Kovalima Joaquim da Costa “Sikatlet”, dehan ba TATOLI iha Tabakolot, ohin.
Bazeia ba sirkulár ne’ebé fó sai hodi orientasaun katak iha loron 03 Marsu hasa’e bandeira mak hanesan Bandeira FRETILIN, FALINTIL, CNRT (Conselho nacional da resistência de Timor-Leste) no Bandeira Konsellu Kombatente Libertasaun Nasionál ne’ebé hahú iha 01 to’o 03 marsu 2025 ne’e.
Atu hasa’e bandeira haat ne’e sei la mobiliza veteranu sira husi postu hitu atu partisipa, maibé funsionáriu CLN Kovalima mak hasa’e nune’e daudaun ne’e halo ona preparasaun bandeira riin haat iha edifísiu CLN Kovalima.
Ho orientasaun ne’ebé mak husi ministériu nune’e hahú iha loron 01 marsu 2025 ne’e hahú hasa’e ona bandeira kór haat iha edifísiu CLN Kovalima ida-ne’e ho intensaun atu relembra hikas luta libertasaun nasionál nian.
“Razaun tanbasá mak la hala’o komemorasaun ida-ne’e depende husi dirasaun nasionál ha’u labele ko’alia razaun ne’ebé la konsege komemora loron nasionál veteranu tanba munisípiu kumpri orientasaun husi Ministériu asuntu kombatente libertasaun nasionál”, nia dehan.
Jornalista:Celestina Teles
Editór: Rafael Ximenes de A. Belo
