DILI, 07 Marsu 2025 (TATOLI) – Governu ezonera Agusta Antónia Gomes husi kargu Vise-Diretora Ezekutiva Servisu Rejistu no Verifikasaun Emprezariál (SERVI, I. P.) nian.
Projetu rezolusaun ne’e aprezenta husi Vise-Primeiru-Ministru no Ministru Koordenadór Asuntu Ekonómiku, Francisco Kalbuadi Lay.
Relembra katak Governu indika Agusta Gomes ba kargu Vise-Diretora Ezekutiva SERVE, I.P iha loron 22 Maiu 2022 no hetan pose iha loron 03 Juñu 2024, husi Vise-Primeiru-Ministru Francisco Kalbuadi Lay.
Pose ne’e realiza hamutuk ho dirijente na’in-ualu husi Institutu Públiku mak Prezidente Autoridade Turizmu Timor-Leste, Virgílio Smith, Vogál Autoridade Turizmu Timor-Leste, Idelfonso de Carvalho, Prezidente Autoridade Dezignada no Kombate Alterasaun Klimátika, Felisberto Araújo Duarte.
Prezidente Nasionál Lisensiamentu Ambientál, Maximiano Maria Gusmão de Oliveira, Diretór-Ezekutivu Bambuu, Abilio Immanuel Almeida Barros, Prezidente Sentru Lojístika Nasionál, António de Araujo Soares no Diretór-Ezekutivu SERVE, Fausto Soares Dias.
Jornalista: Arminda Fonseca
Editora: Maria Auxiliadora
