DILI, 11 Marsu 2025 (TATOLI)—Diretór Jerál Sekretaria Estadu Formasaun Profisionál no Empregu (SEFOPE), Carlito do Rosário Cabral, informa Governu Austrália sei apoia SEFOPE atu harii sentru formasaun akreditada iha Tasi-Tolu.
Objetivu hosi apoiu ba konstrusaun sentru formasaun akreditada mak forma joven timoroan sira iha abilidade lian nian, hodi hatán ba merkadu traballu iha estranjeiru.
“Austrália sei apoia orsamentu adisionál dolar australianu millaun 4 iha tinan ne’e bá konstrusaun sentru formasaun akreditada,” Carlito do Rosário Cabral dehan ba TATOLI iha nia kna’ar fatin, foin lalais ne’e.
Diretór Jerál ne’e haktuir katak SEFOPE hamutuk ho Departamentu Negósiu Estranjeiru iha Embaixada Austrália bá survey ona fatin konstrusaun iha Tasi-Tolu.
“Sira haree ona fatin futura konstrusaun. Sira dezeña hela buat ruma, ami hein prosesu konstrusaun,” nia tenik.
Jornalista: Felicidade Ximenes
Editór: Xisto Freitas da Piedade
