DILI, 12 Marsu 2025 (TATOLI) – Governu aprova Kontribuisaun ne’ebé atribui ba Fundu Voluntáriu Sistema Koordenadór Rezidente Nasaun Unida nian ho valór rihun $200.
Projetu rezolusaun Governu ne’e aprezenta husi Ministru Negósiu Estranjeiru no Kooperasaun, Bendito dos Santos Freitas.
“Kontribuisaun ida-ne’e reforsa kompromisu Timor-Leste ba reforma sistema dezenvolvimentu Nasaun Unida nian, ne’ebé promove hosi Sekretáriu-Jerál ONU, no ba implementasaun Ajenda tinan 2030 ba Dezenvolvimentu Sustentavel”, informa nota husi Governu.
Tuir dokumentu ne’e, husi Fundu Voluntáriu Sistema Koordenadór Rezidente nian ne’e nu’udar mekanizmu finanseiru ida ne’ebé estabelese hodi apoia no hametin funsaun koordenasaun ba atividade dezenvolvimentu Nasaun Unida nian iha Estadu-membru hodi asegura efisiénsia, transparénsia no inkluzaun ne’ebé boot-liu iha inisiativa dezenvolvimentu.
Jornalista: Arminda Fonseca
Editora: Maria Auxiliadora
