DILI, 12 Marsu 2025 (TATOLI)—Diretór Servisu Apoiu Diagnóstiku no Terapeútiku Hospital Nacional Guido Valadares (HNGV), Vidal de Jesus Lopes, rejeita informasaun ne’ebé espalla iha mídia sosiál katak membru arte marsiál kria konflitu iha HNGV.
“Informasaun dehan hodikalan (11/02) ema kria konflitu iha ospitál laran ne’e laloos. Ema mai haree ema-nia kolega ida-ne’ebé mate iha mortuáriu, ” Vidal de Jesus Lopes hateten ba jornalista sira iha Hotel Timor, Dili, kuarta ne’e.
Nia haktuir, pasiente ne’ebé mate ne’e husi arte marsiál balun no antes ne’e bainhira nia baixa, nia kolega sira no família mak mai vizita ho kuantidade barak.
Dirijente HNGV dehan katak ospitál iha seguransa sivíl no Polísia Nasionál Timor-Leste (PNTL) hodi fó seguransa.
Jornalista: Felicidade Ximenes
Editór: Xisto Freitas da Piedade
