KOVALIMA, 14 Marsu 2025 (TATOLI) – Servisu Saúde (SS), Munisípiu Kovalima, daudaun ne’e kontinua implementa programa distribuisaun ai-han super sereál ba labarik no inan isin rua no inan fó susu sira.
“Daudaun ne’e servisu munisipál saúde Kovalima hala’o hela programa distribuisaun ai-han super sereál ba ema sira ne’ebé bainhira ita deteta liña menus husi 23”, Domingos Sequiera , relata ba TATOLI iha nia servisu fatin, ohin.
Implementasaun programa halo distribuisaun ai-han super sereál ne’e implementa durante tinan ida ona – hahú implementa 2024, hodi atende komunidade sira; foku ba inan isin rua, inan fó susu no labarik sira fulan neen ba leten ho nia liña menus husi 23.
“Atu halo distribuisaun ita ko’alia ba alvu, maibé ba alvu ha’u seidauk iha relatóriu ai-han ai super sereál prióridade ita-nia komunidade liña menus husi 23 no ba labarik sira kategória tama iha má nutrisaun”, nia informa.
Tuir dadus distribuisaun super sereál balansa 2,700 , simu 9.405 ,stock 12.105 ne’ebé distribui ona 432 no totál balansu 1 764.
Jornalista: Celestina Teles
Editór: Rafael Ximenes de A. Belo
