KOVALIMA, 17 Marsu 2025 (TATOLI) – Komunidade sira iha Aldeia Fatuisin Suku Kamnasa, Postu administrativu Suai, Munisípiu Kovalima, kinta ne’e, lori batar tuda malu hodi hala’o serimónia kultura Saubatar, tuir tradisaun.
Prosesu atu hala’o saubatar tuda malu, molok atu hahú, lian-na’in sira depende, haree ba batar iha to’os laran bainhira batar saren-mean ona, lia-na’in sira bolu malu tuur iha uma-lisan atu deside loron konvida komunidade atu taa batar husi to’os.
Lia-na’in Beidasi Clementino Amaral, esplika, loron ne’ebé determina husi lia-na’in sira, Lia-na’in Beibukar, João Sarmento bolu komunidade husi Aldeia Fatuisin hatais Tais la’o ain-tanan husi uma lori batar dahur hein uma lisan ai-lasaen, ai-latoban, Beifahik beikalau hodi tama mai iha uma-lisan Klaran Haemolin hafoin hodi tama liu ba na’in Uman sadan Fatuisin.
“Komunidade sira konsentra iha sadan-na’in Uman Fatuisin ho intensaun atu simu ami lia-na’in, Beibasin Clementino Amaral, lian-na’in beikorene Noel Alves ho dato feto husi uma-lisan Beifahik beikalau, uma-lisan ai-lasa’e ai-Latoba, beiraiulun Anacleto Amaral ho konvidadu tomak lori batar la’o ain tama mai iha Uma Klaran Haemolin”, Clementino Amaral dehan hafoin serimónia kultura komunidade lori batar tuda malu, iha Fatuisin, kinta ne’e.
Hafoin lia-na’in fó lia-menon ba reinu sira katak bainhira tama to’o iha sadan na’in Uman Fatuisin, lori batar fulin hitu lori tuda malu hotu para, hili fali batar ne’ebé lori tuda malu hodi dame kaer liman dahur Beimausali no Beibui-sali durante kalan tolu loron tolu hodi hein atu simu matak-malirin
Kultura Saubatar tula malu hala’o la’ós tinan-tinan, maibé sira hala’o tinan tolu tutuir malu hafoin tinan tolu mai la hala’o ona.
Iha sorin seluk, Reprezentante lia-nain uma lesu gatal, Bernadino Amaral, reforsa, haree, batar iha to’os laran saren mean ona bolu malu atu hala’o serimónia kultura Saubatar ho tradisaun tuda malu ho batar.
“Haree batar iha toos laran saren mean ona ami tuur ona hodi fó hatene malu halo nusa ita fó hatene sira ona atu marka loron atu hala’o serimónia kultura Saubatar batar”, nia haktuir.
Jornalista:Celestina Teles
Editór: Rafael Ximenes de A. Belo
