DILI, 18 Marsu 2025 (TATOLI)–Tinan ne’e, Governu liuhosi Ministériu Solidariedade Sosiál no Inkluzaun (MSSI), aloka rihun $225 sosa karreta funeráriu lima hodi reforsa nasionál.
“Ba tinan ida-ne’e ami iha ona planu sosa, hodi apoiu serbisu operasionál ba atendimentu loron-loron, sosa unidade lima no kada unidade nia presu rihun $45, nune’e unidade lima hamutuk rihun $225”, Diretór Jerál MSSI, Florencio Pina, dehan ba TATOLI iha nia knaar fatin Kaikoli, kinta ne’e.
Nia dehan ministériu tenke sosa tanba ambulánsia ne’ebé iha kondisaun ladún di’ak no balun aat ona. Tanba ne’e, presiza duni atu sosa hodi reforsa nasionál.
“Tanba mate iha Dili dala ruma loron ida bele tolu ba leten. Uluk ita kalkula loron ida tula família mate tolu maibé dala ruma mate derrepente iha família entaun hakarak lakohi ita tenke transporta bá fatin orijin matebian ne’e”, katak nia.
Nia dehan daudaun ne’e karreta funeráriu ne’ebé kobre nasionál iha 11, ba ema importante sira (VIP) karreta ida, kada munisípiu iha karreta funeráriu rua no balun iha tolu.
Notísia relevante: Karreta funeráriu lima sei reforsa nasionál tula mate-isin ba munisípiu
Jornalista : Osória Marques
Editora : Rita Almeida
