VIKEKE, 03 Abríl 2025 (TATOLI)—Diretór servisu Diresaun Nasionál Rejistu Notariadu (DNRN) munisípiu Vikeke, Rogério da Costa, informa hahu husi fulan-Janeiru to‘o Marsu ne’e, servisu DNRN Vikeke laiha blanku orijinál nune’e emprime sertidaun moris ho HVS mak distribui ba abitante munisípiu Vikeke.
“Husi Fulan-Janeiru to’o Marsu ne’e blanku orujinál ba sertidaun nascimentu, obitu, sertidaun kazamentu ne’e laiha. Nune’e ita-nia abitante sira mai trata sira dokumentu sira-ne’e ami fó hatene kedas sira agora daudaun ita-nia blanku orijinal laiha ne’ebé ami emprime ho HVS de’it, aban bain-rua blanku orijinál iha fali ona mak imi mai troka,” Rogério da Costa ba hateten ba agência Tatoli, iha nia kna’ar fatin, Beloi, ohin.
Diretór Servisu DNRN munisípiu Vikeke ne’e profunda, sertidaun nascimentu, obtiu no kazamentu husi fulan-Janeiru to’o Marsu ne’e DNRN emprime sidadaun sira-nia dokumentu tolu (3) hamutuk 1.063.
“Ami emprime uza HVS hamutuk 1.613 mak ita distribui ba ita-nia abitante sira-ne’ebé mai trata sira-nia dokumentu sertidaun moris, obitu no sertaun kazamentu. Maske, ho HVS sei vale, bele uza kuandu blanku orjinál iha fali ona sira lori fali mai troka fila-fali ba blanku orijinál,” nia dehan.
Tuir dadús sertidaun moris, sertidaun obitu no sertidaun kazamentu ho totál hamutuk rihun 1.063 mak konsege emprime no entrega ba abintante Vikeke.
Alende ne’e nia dehan, husi fulan Janeiru to’o Marsu DNRN Vikeke prodús mós rejistu kriminál hamutuk 1.229.
“Kona-ba blanku orijinál ami relata ona ona pedidu ba naisionál, maibé iha nasionál mó s agora daudaun blanku orijinál laiha. Tan ne’e, dokumentu sira-ne’ebé ami emprime HVS ne’e, trata idozu, trata dokumentu ruma iha banku no fatin sira seluk sei simu tanba ami iha asinatura no tau karimbu,” nia dehan.
Entretantu, funsionáriu servisu Notariadu hamutuk na’in-(14) ne’ebé sufisiente ba atendementu ba populasaun sira iha munisípiu Vikeke.
Jornalista : Vitorincffo Lopes da Costa
Editór : Cancio Ximenes
