DILI, 05 Abríl 2025 (TATOLI) – Organizadaun Juventude Partidu FRETILIN, sabádu ne’e, iha Komite Sentrál FRETILIN Dili, realiza reuniaun ho membru sira husi nivél nasionál no baze hodi diskute asuntu importante rua liuliu planu re-organizasaun estrutura.
Reuniaun ne’e marka prezensa husi Prezidente FRETILIN, Francisco Guterres Lú Olo, nu’udar mós Prezidente Honório Juventude FRETILIN hodi hato’o mensajen politika no orientasaun traballu ba Juventude FRETILIN.
“Ohin, organizasaun Juventude FRETILIN sira realiza enkontru ne’e iha pontu importante rua, ida sira mai atu rona direita orientasaun polítika husi Prezidente Partidu no mós Organizasaun Juventude FRETILIN nian hakarak atu halo re-estrururasaun ou re-organiza ba sira nia lina internu estrutura no sira nia atividade balun ne’ebé sira atu re-ajusta fali hodi bele hadi’a di’ak liu iha sira nia polítika, iha partidu nian,,” Lú Olo hateten ba jornalista sira.
Antigu Prezidente Repúblika ne’e dehan tan: “Ha’u iha esperansa nafatin hori uluk kedan katak, Juventude FRETILILN sei hamrik metin nafatin, sei hala’o sira nia ativiade nafatin, sei hala’o sira nia kna’ar ida ne’e ho susesu.”
Juventude FRETILIN ne’ebé marka prezensa iha reuniaun ne’e kompostu husi orgaun sentral, Sekretariu Ezexutivu Munisipiu Postu Administrativu sira no reprezentante Brigada Universitariu sira.
Jornalista: Hortencio Sanchez
Editor: Florencio Miranda Ximenes
