VIKEKE, 29 Abríl 2025 (TATOLI)—Konsellu Konsultivu Munisipál (KKM) Vikeke, tersa ne’e, sorumutu extraodináriu ba apresiasaun progama perioridade munisípiu Vikeke nian ba tinan 2026.
Prezidente Autoridade Munisipál (PAM) Vikeke, Francisco C.S de G. Soares, relata membru KKM Vikeke ho totál efetivu hamutuk na’in-59, partisipa sorumutu KKM agora daudaun hamutuk na’in-49, aujente na’in-10, ho nune’e sorumutu referida prienxe forum KKM ba apresiasaun programa periorídade sira.
“Ohin, ita realiza sorumutu KKM nian, buat ne’ebé ita sei ko’alia mak liga ba asuntu munisipál nian. Tanba ne’e, mak ita hotu halibur hamutuk iha salaun administrasaun Vikeke, ita mai lori povu mehi no nesesidade ba povu Vikeke nian, oinsá ita bele haree Vikeke ne’e la’o to’o ona ne’ebé. Maske ita la’o neineik maibé beibeik,” Prezidente Autoridade Munisipál (PAM) Vikeke, Francisco C.S de G. Soares, hateten iha abertura sorumutu KKM, iha salaun administrasaun Vikeke, ohin.
Tanba ne’e, autoridade Vikeke ne’e esperansa ba diskusaun no apresiasaun iha sorumutuk KKM ne’e bele tau programa perioríoridade sira-ne’ebé durante diskute iha suku lori bá postu no postu lori bá KKM Vikeke.
“Atu ita lori dokumentu aspirasaun sira-ne’e, hodi lori ba nasionál, atu bele hetan mudansa ruma ba ita-nia povu iha munisípiu Vikeke. Bazeia ba dekretu-lei númeru 84/2023, kintu alterasaun husi dekretu lei nú; 3/20216 hodi fó poténsia ba autoridade sira, iha munisípiu liga ba orsamentu ita ezekuta orsamentu másimu rihun $500 mai karik, liu ida-ne’e kabe ba nasionál. Tanba ne’e, mak dezenvolvimentu ema la haree ba estrada husi Asalaitula to’oVikeke, Vikeke to’o Uatukarbau, nune’e mós husi Naeboruk Vikeke ba Lakluta, dezenvovimentu povu halerik barak. Ita-nia kapasidade ezekuta bazeia ba dekretu-lei sira-ne’e,” nia hateten.
Tan ne’e, nia dehan, dalaruma haree iha mídia sosiál liuliu facebook ema dehan katak Vikeke lahatene halo servisu, pasiénsia autoridade sira tenke simu kafé moruk (kritika sira). Tan ne’e, nu’udár membru KKM husu ita hotu fó kontribuisaun, hanoin sira-ne’e hodi hadi’a no melloria dezenvolvimentu, mezmu uitoan maibé tenke beibeik”.
Nune’e, iha KKM ne’e afirma, KKM sei fó apresiasaun ba Planu Dezenvolvimentu Integradu Munisipál (PDIM) Vikeke no Programa Nasionál Dezenvolvimentu Suku (PNDS).
“Ho nune’e, ha’u enkoraja membru KKM sira fó apresiasaun ba programa husi baze. Programa sira-ne’e ita autoridade musnisípiu Vikeke sei kontinua ba aprezenta iha nivél nasionál hodi depende aspirasaun sira-ne’e,” nia dehan.
Tuir dadus, programa perioríoridade ba tinan 2026 husi PNDS hamutuk 58 no PDIM programa hamutuk 47.
Iha sorumutu Konsellu Konsultivu Munisipál (KKM) Vikeke hamutuk na’in-49 ne’ebé partisipa iha apresiasaun no votasaun ba programa 2026 ne’e kompostu husi autoridade munisípiu Vikeke PAM, sekretáriu munisípiu Vikeke na’in-tolu (3), xefe suku 36, administradór postu sira no reprezenta husi aKonsellu Veteranu munisípiu Vikeke partidu polítiku sira, relijiaun, feto poténsial, juventude feto no mane, sosiadade sivil.
Enkantu, iha sesaun apreasisaun ne’e hetan partisipa husi diretór servisu munisípál, diretór territoriál no xefe departamentu sira iha munisípiu Vikeke.
Jornalista : Vitorino Lopes da Costa
Editór : Cancio Ximenes
