KOVALIMA, 05 Maiu 2025 (TATOLI) – Ministériu Finansa liuhusi Sentru Kapasitasaun Jestaun finansa Públiku, disemina kódigu aprovizionamentu no kontratu públiku dekretu lei númeru 1/2025 ,8 Janeiru ba autoridade no empreza lokál sira iha munisípiu Kovalima.
Atividade disemina informasaun ne’e nia objetivu prinsipál mak disemina dekretu-lei aprovizionamentu referida tanba Governu fó prioridade atu halo mudansa ba dekretu-lei aprovizionamentu.
“Molok ne’e ita bolu dekretu lei rejimi aprovizionamentu maibé agora bolu kódigu aprovizionamentu”, Martino Lopes ,hato’o iha nia diskursu iha salaun AMC, ohin.
Diretór-jerál ne’e dehan, konteúdu husi kódigu aprovizionamentu ne’e elabora rejime espesiál ba rejimi jeral nune’e rejime aprovizionamentu diferénsia tanba dekretu-lei númeru 22 /2022 prosesu iha mudansa signifikante.
Ho nune’e atividade ohin atu aprezenta kada artigu iha dekretu-lei referida atu labele sala halo interpretasaun iha nia implementasaun.
“Ha’u-nia kolega sira nu’udar autór ba iha prosesu aprovizionamentu atu interpreta ho loloos bainhira ita hanesan sai autór mak la dominia halo interpretasaun nune’e simu reklamasaun husi empreza sira”, nia esplika.
Governu disemina informasaun dekretu-lei aprovizionamentu importante tebes tanba iha diferénsia iha modalidade aprovizionamentu dekretu-lei atuál númeru 22/2022 modalidade aprovizionamentu tolu hanesan konkursu públiku, kuotasaun no ajusta direta nune’e iha dekretu-lei foun aumenta modalidade ida mak konkursu restritu.
“Konkursu restritu, ita restritu ba ita-nia konkorente sira diferénsia ba iha koutasaun PAM ho sekretráriu munisípiu iha kompeténsia bolu empreza husi Kovalima-oan no sidadaun husi munisípiu labele kompete atu responde situasaun balun. Iha diferénsia kuotasaun ita limita nia montante restritu la iha limitasaun nia montante tenke haree ba kualidade empreza hodi haree empreza nia negósiu iha área sira”, nia klarifika
Dekretu-lei atuál númeru 22/2022 iha nia artigu 189.o no dekretu-lei kódigu aprovizionmentu iha artigu159.o.
Iha sorin seluk, reprezentante Prezidente Autoridade Munisìpiu Kovalima, Aberto Moniz de Araujo konfirma, Ministériu Finansa mai disemina informasaun kona-ba kódigu aprovizionamentu ba autoridade no empreza lokál sira iha Kovalima.
“Atividade ne’e ohin temi katak la’ós halo revogasaun no alterasaun maibé troka totál dekretu-lei númeru 22/2022 ba iha kódigu aprovizionamentu husi diretór jerál mak sei partilla,” nia fó hanoin.
Atividade disemina ida-ne’e importatante ba dirijente autoridade Kovalima no dirijente husi empreza lokál sira atu husu durante ne’e dezafiu saida mak empreza sira enfrenta.
Jornalista:Celestina Teles
Editór: Rafael Ximenes de A. Belo
